Տեսանյութ.Ռոբերտ Քոչարյանի, ՀՅԴ-ի և «Վերածնվող Հայաստանի» հավաքը՝ Ազատության հրապարակում          Մանե Գևորգյանին հորդորում եմ երբեք ձեռքերը չերկարացնել. Անի Գևորգյան. Տեսանյութ       Տեսանյութ.Պարոն Փաշինյան, ի՞նչ խղճով եք Եռաբլուր գալիս. լրագրողը՝ Փաշինյանին    

05 ապր 2019 14:33

Ով ում է ղեկավարում.Վարչապետից դրական հայտարարություններ, ՊՆ-ից՝ անհեթեթություն

Ով ում է ղեկավարում.Վարչապետից դրական հայտարարություններ, ՊՆ-ից՝ անհեթեթությունԱդրբեջանի ԱԳ նախարար Էլմար Մամեդյարովը հայտարարել է, որ Բաքուն ղարաբաղյան հակամարտության կարգավորման շուրջ բանակցություններում պատրաստ է քննարկել «ցանկացած առաջարկ Ադրբեջանի տարածքային ամբողջականության շրջանակում»:
«Մենք բաց ենք բանակցությունների համար և պատրաստ ենք քննարկել բոլոր առաջարկները Ադրբեջանի տարածքային ամբողջականության շրջանակում: Միակ պայմանն այն է, որ հայ զինվորականները պետք է վերադառնան զորանոցներ, քանի որ այնտեղ, որտեղ զինվորականներ կան, նոր բարդություններ կարող են առաջանալ»,-ասել է Մամեդյարովը Բրյուսելում, հայտնում է Interfax.az-ը:

Ըստ նրա, ՀՀ և Ադրբեջանի ղեիկավաներ Նիկոլ Փաշինյանն ու Իլհամ Ալիևը Վիեննայում մարտի 29-ին «3+2» ձևաչափով քննարկել են հումանիտար բնույթի հարցեր: «Այդ ուղղությամբ Ադրբեջանն ու Հայաստանը կարող են շփման կետեր գտնել»,-ասել է նա, գրում է Պանարմենիանը:
Նա նաև տարակուսանք է հայտնել ՀՀ պաշտպանության նախարար Դավիթ Տոնոյանի հայտարարության վերաբերյալ, որն, ըստ Մամեդյարովի, Վիեննայի հանդիպումից 3 ժամ անց «տարօրինակ հայտարարություն է արել»: «Հարց է առաջանում, թե ով ում է ղեկավարում: Մի կողմից շատ դրական հայտարարություններ են հնչում, մյուսից՝ անհեթեթություն են ասնում և նոր բարդություններ ստեղծում: Սա հարցերից մեկն է, որի վրա պետք է աշխատել: Նրանք (հայերը) պետք է հասկանան, որ տարածքների գրավումը չի շաղկապվում միջազգային հարաբերությունների հետ»,-ասել է Մամեդյարովը:
ՀՀ պաշտպանության նախարար Դավիթ Տոնոյանը Նյու Յորքում հայ համայնքի հետ հանդիպմանը հայտարարել է, որ տարածքներ՝ անվտանգության դիմաց ձևաչափ չի լինելու: «Ես, որպես պաշտպանության նախարար, ասում եմ՝ այդ ձևաչափը՝ տարածքներ խաղաղության դիմաց, ես այսօր վերաձևակերպել եմ հակառակը․ նոր պատերազմ՝ նոր տարածքներ։ Ոչ մի բան չի զիջվելու, հնարավոր են կոմպրոմիսներ»,-ասել է նախարարը։
Վարչապետ Նիկոլ Փաշինյանը, խոսելով Դավիթ Տոնոյանի հայտարարության մասին, իր հերթին ասել է. «Եթե Դավիթ Տոնոյանն այլ հայտարարություն աներ, ես նրան կազատեի նախարարի պաշտոնից»: 


Մեկնաբանություններ

Համընկնող լուրեր