Տեսանյութ.Հայաստանը իր հարաբերությունները զարգացնում է բոլոր ուղղություններով, որը բխում է մեր անվտանգության շահերից
Հայացք մամուլի ակումբում քաղաքական փորձագետ Ռուբեն Մեհրաբյանը խոսեց ՀՀ ներքին և արտաքին քաղաքականություն, և ՀՀ վարչապետի Ստրասբուրգյան հանդիպումների մասին:Ռուբեն Մեհրաբյանը, համոզված է, որ Նիկոլ Փաշինյանի ստրասբուրգյան ելույթում հստակորեն ներկայացվեցին Հայաստանի մոտեցումներն առաջնահերթությունների վերաբերյալ:
«Ելույթը ցույց տվեց, որ Հայաստանն իրապես իր հարաբերությունները զարգացնում է բոլոր ուղղություններով ու դա բխում է Հայաստանի անվտանգության շահերից ևս:
Հայաստանի նման դիրքավորումը քաղաքական լրջագույն կապիտալ է: Վարչապետ Նիկոլ Փաշինյանի ստրասբուրգյան ելույթում հստակորեն ներկայացվեցին Հայաստանի մոտեցումներն այն առաջնահերթությունների վերաբերյալ, հանուն որի և ստեղծվել է ԵԽ-ն»:
Քաղաքագետը նաեւ չափազանց ուշագրավ համարեց Յոգլանդի այն հայտարարությունը, որ Հայաստանը դիտարկում է որպես եվրոպական երկիր, որտեղ արմատավորված են եվրոպական արժեքներ. «Դա լրջագույն քաղաքական կապիտալ է Հայաստանի համար և Հայաստանի լրջագույն ներդրումը տարածաշրջանային ու եվրոպական անվտանգության ապահովման գործում»,- նշեց Ռուբեն Մեհրաբյանը:
Ամբողջական ասուլիսը Hayacq.com-ի տեսանյութում
