Ինչը չի կարելի. YouTube-ն առաջիկա ամիսներին կարգելափակի հետևյալ տեսանյութերը
YouTube կայքն այսուհետև կարգելափակի այն տեսանյութերը, որոնցում խոսվում է որևէ մարդու՝ մեկ այլ մարդուց առավել լինելու մասին։ Փոփոխությունների մասին տեղեկանում ենք կայքի պաշտոնական բլոգից։
Արգելքը կգործի այն տեսանյութերի համար, որոնցում արդարացվում է խտրականությունը, մեկուսացումն ու սեգրեգացիան՝ հիմնված տարիքի, սեռի, ռասայի, կաստայի, կրոնի, սեռական կողմնորոշման և վետերանի կարգավիճակի վրա։
Կարգելափակվեն նաև ազգայնամոլական գաղափարներ քարոզող, ինչպես նաև Հոլոքոստը, դպրոցներում հրաձգությունները և դաժանության այլ տիպի գործողություններն արդարացնող տեսանյութերը։
Կայքի բլոգում ասվում է, որ նոր համակարգը կգործի առաջիկա ամիսներին, իսկ մինչ այդ նման տեսանյութերը կայքից կհեռացվեն պատահականության սկզբունքով։