Տեսանյութ.Գլխավոր դատախազը խուսափում է Ներսիկ Նազարյանի մասով քրեական գործ հարուցել. Զուրաբ Շամոյան

Hayacq.com-ի հարցազրույցը Վրաստանի քաղաքացի, ազգությամբ եզդի, գործարար Զուրաբ Շամոյանի, նրա փաստաբան Գուրգեն Գրիգորյանի և Մարսերալ ընկերության պահեստապետ-գանձապահ Օմար Ջնդոյանի հետ:

Զուրաբ Շամոյանը տեղեկացրեց, որ տարիներ առաջ Հայաստանում մեծ ներդրումներ է արել, բիզնես ծրագիր սկսել: Քանի որ Զուրաբ Շամոյանը Վրաստանի քաղաքացի է եղել իր բիզնեսի գործընկեր համասեփականատերեր են եղել Հայաստանի քաղաքացի հանդիսացող իր ընկերը՝ Կարեն Մարտիրոսյանը և նրա զարմիկ Սերգեյ Մարտիրոսյանը:

Բիզնեսը գրանցել են Վանաձորում, այնուհետև տեղափոխել Երևան: Որոշ ժամանակ անց Սերգեյ Մարտիրոսյանը «բացատրել» է, որ Հայաստանում բիզնեսում հաջողություններ ունենալու համար պարտադիր «տանիք» է պետք և առաջարկել, որ իրենց «տանիքը» լինի Երևանի նախկին ոստիկանապետ Ներսիկ Նազարյանը. «Խորհրդակցեցինք, որոշեցինք, եթե պետք է, ուրեմն ինչպես բոլորը, այնպես էլ մենք: Մուծել ենք նրան այն բանի համար, որպեսզի մենք բիզնեսի հետ խնդիրներ չունենանք»,- ասաց Զուրաբ Շամոյանը:

Hayacq.com-ի հարցազրույցը Վրաստանի քաղաքացի, ազգությամբ եզդի, գործարար Զուրաբ Շամոյանի հետ