Տեսանյութ.Ռոբերտ Քոչարյանի, ՀՅԴ-ի և «Վերածնվող Հայաստանի» հավաքը՝ Ազատության հրապարակում          Մանե Գևորգյանին հորդորում եմ երբեք ձեռքերը չերկարացնել. Անի Գևորգյան. Տեսանյութ       Տեսանյութ.Պարոն Փաշինյան, ի՞նչ խղճով եք Եռաբլուր գալիս. լրագրողը՝ Փաշինյանին    

10 հուլ 2019 16:50

Վարկած կա, որ հաճախականության այդ հզոր տատանումը եկել է իրանական էներգոհամակարգում տեղի ունեցած վթարից

Տարածքային կառավարման և ենթակառուցվածքների փոխնախարար Հակոբ Վարդանյանը հրավիրած հրատապ ասուլիսի ժամանակ նշեց, որ այսօր13:46 րոպեին ամբողջ համակարգում հաճախականության տատանում է եղել, ինչի հետևանքով անջատվել են Հրազդան ՋԷԿ-ի 5-րդ բլոկը, այնուհետև՝ Երևանի ՋԷԿ-ը, հետո՝ ավելի փոքր կայանները: Փոխնարարը նշեց, որ այս պահին դեռևս հստակ ախտորոշված չէ պատճառը, բայց կայունությունը վերականգնված է:
«Էներգոհամակարգի արտադրական հզորությունները, մատակարարումը վերականգնվում են: Մեր համակարգը սինխրոն կապի միջոցով կապված է իրանական էներգոհամակարգի հետ, ու ցանկացած տատանում մեր երկրում զգացվում է իրենց մոտ և՝ հակառակը: Վարկածներից մեկն այն է, որ հաճախականության այդ հզոր տատանումը եկել է իրանական էներգոհամակարգում տեղի ունեցած վթարից: Մենք Իրանի մեր գործընկերների հետ ևս եղել ենք կապի մեջ, իրենք ևս փաստել են, որ իրենց մոտ ևս նմանատիպ վթարներ տեղի են ունեցել միևնույն ժամանակահատվածում: Բայց ասել, որ վթարի հարյուր տոկոսանոց պատճառն իրանական էներգոհամակարգից է, այս պահին չենք կարող ասել»,-ասաց Վարդանյանը:
Նա նշեց, որ կստեղծվի համապատասխան աշխատանքային խումբ ՝ ուսումնասիրություններ կատարելու համար:
«Անհանգստանալու կարիք չկա, որևէ տեխնածին աղետ տեղի չի ունեցել»,-հայտարարեց փոխնախարարը:

Մեկնաբանություններ

Համընկնող լուրեր