Թեհրանի նախկին քաղաքապետը մահապատժի է դատապարտվել.սպանել է կնոջն ու հանձնվել ոստիկանությանը
Թեհրանի նախկին քաղաքապետ և Իրանի նախկին փոխնախագահ Մոհամադ Ալի Նաջաֆին կնոջ սպանության համար մահվան է դատապարտվել, գրում է Mehr գործակալությունը՝ դատական մարմինների պաշտոնական ներկայացուցիչներին հղումով:Նաջաֆին մեղավոր է ճանաչվել անցած տարվա մայիսին Թեհրանի հյուսիսում՝ էլիտար թաղամասերից մեկի բնակելի շենքում կնոջը սպանելու համար: Նա ինքն էր հանձնվել իրավապահ մարմիններին և խոստովանել հանցանքը՝ հայտարարելով, որ այն կատարել է ընտանեկան խնդիրների հողի վրա:
Նաջաֆին Թեհրանի քաղաքապետի պաշտոնը զբաղեցրել է 2017թ.-ի օգոստոսից մինչև 2018թ.-ի ապրիլը: Իր քաղաքական կարիերայի ընթացքում նա եղել է նաև Իրանի կրթության նախարարի պաշտոնում:
