Տղամարդը պոկեր է խաղացել, տանուլ է տվել կնոջը և թույլ տվել, որ նրան բռնաբարեն
Հնդկաստանում տղամարդը պոկեր է խաղացել, տանուլ է տվել կնոջը և թույլ տվել, որ նրան բռնաբարեն։ Այս մասին հայտնում է NDTV-ն։Զոհի ամուսինը թղթախաղ է խաղացել ընկերոջ և ազգականի հետ։ Երբ նա խաղադրույք է կատարել կնոջ վրա և պարտվել, խաղացողները բռնաբարել են կնոջը։
Պատահածից հետո կինը փախել է ծնողների մոտ, սակայն ամուսինը ներողություն է խնդրել նրանից՝ ասելով, թե սխալ է գործել։ Կինը ներել է նրան, սակայն տան ճանապարհին ամուսինը կանգնեցրել է մեքենան և թույլ տվել, որ ընկերները կրկին բռնաբարեն կնոջը։
Հեռուստաալիքի հաղորդմամբ՝ ոստիկանությունն ի սկզբանե հրաժարվել է գործ հարուցել։ Սակայն կինը դիմել է դատարան, որից հետո միայն գործ է հարուցվել։
