Հանգուցյալ բժշկի տանը հայտնաբերվել են չծնված 2200 երեխաների մնացորդներ
Ամերիկյան Իլինոյս նահանգում ընտանեկան բժշկի տանը, որն զբաղվում էր հղիության արհեստական ընդհատումներով, հայտնաբերվել են ավելի քան 2200 չծնված երեխաների մնացորդներ, տեղեկացնում է Fox News-ը։Սարսափելի գտածոն հայտնաբերել են բժիշկ Ուլրիխ Քլոպֆերի հարազատները, որը մահացել էր այս տարվա սեպտեմբերի 3-ին։
Նշվում է, որ ներկայում չկան վկայություններ այն մասին, որ բժիշկը հղիության ընդհատումներով զբաղվել է իր տանը։
Հայտնի է, որ 2015 թվականին բժշկին զրկել են բժշկական լիցենզիայից 13-ամյա աղջկա հղիությունն ընդհատելու մեղադրանքով։
