Ադրբեջանն ընդունեց իր զինծառայողի կորուստն առաջնագծում,սակայն փորձում է խուսափել պատասխանատվությունից
Ադրբեջանի պաշտպանության նախարարությունը ընդունել է, որ զինծառայող է կորցրել Արցախի առաջնագծում՝ հայկական և ադրբեջանական դիրքերի միջև ընկած տարածքում։ Սակայն ադրբեջանական կողմը փորձում է խուսափել պատասխանատվությունից։Բաքուն հայտարարել է, թե իբր իրենց զինծառայողը միջդիրքային գոտում հայտնվել ու հայկական կողմի կրակից սպանվել է մոլորվելու արդյունքում։
Մինչ այդ Արցախի պաշտպանության բանակից արդեն հայտարարել են, որ երեկ ցերեկը տեղի է ունեցել դիվերսիայի փորձ՝ ադրբեջանական բանակի զինծառայողները փորձել են մոտենալ հայկական դիրքերին։ ՊԲ հաղորդագրության համաձայն՝ հայկական կողմում նկատել են շարժը և չեզոքացրել։ Արդյունքում ադրբեջանցիներից մեկը սպանվել է դիվերսիայի փորձի ժամանակ։ Նրա դիակը մնացել է միջդիրքային գոտում։
Հայկական կողմում մարդկային կորուստ չկա։
