Հայկ Հարությունյանը, իմիջիայլոց, սուտ ցուցմունքներ էր տվել. Դ. Իոաննիսյան
«Իրազեկ քաղաքացիների միավորում» ՀԿ հիմնադիր, ծրագրերի համակարգող Դանիել Իոաննիսյանը ֆեյսբուքյան իր էջում գրել է. «Հայկ Հարությունյանը, իմիջիայլոց, սուտ ցուցմունքներ էր տվել: Մասնավորապես.Սուտ ցուցմունք 1. Հայկ Հարությունյանը պնդում է, որ, փետրվերի 29-ին օպերատիվ տվյալներ էին ստացել զենքի մասին ու դրա համար են Ազատության հրապարակ եկել մարտի 1-ի առավոտյան:
Իրականում. մարտի 1-ին հանրահավաքը ցրվեց նախորդ օրը Արթուր Բաղդասարյանի հետ կոալիցիոն պայմանագրի ստորագրումից հետո: Զենքի մասին տվյալները հետո նկարվել են Գևորգ Կոստանյանի ու մյուսների կողմից:
Սուտ ցուցմունք 2. Հայկ Հարությունյանը պնդում է, որ մարտի 1-ի առավոտյան եկել էին հրապարակ զուտ տեղազննություն անելու:
Իրականում. որևէ տեղազննության փորձ անգամ չի եղել, հանրահավաքը պարզապես ծեծուջարդով ցրվել է (դա նաև 2008-ին հրապարակված ՄԻՊ-ի զեկույցում կա):
Սուտ ցուցմունք 3. Հայկ Հարությունայնը գրել է, որ Մաշտոցի պողոտայում մեքենաներ են այրվել, որից հետո ոստիկանական զորքը իր հրամանով կուտակվել է ձկան խանութի մոտ, որից հետո եղել են բախումներ:
Իրականում. հերթականությունը հակառակն էր՝ եղան առաջին բախումները Լուսավորիչի վրա, հետո ոստիկանական զորքը կուտակվեց, հետո նոր Մաշտոցի վրա մեքենաներ այրվեցին:
Սուտ ցուցմունք 4. Հայկ Հարությունը պնդում է, որ մարտի 1-ից առաջ ցուցարարները երթերի ժամանակ ցուցափեղկեր էին կոտրում ու բախումներ էին լինում:
Իրականում. Որևէ նման դեպք չի եղել:
Սուտ ցուցմունք 5. Հայկ Հարությունյանը ասում է, որ նախքան արտակարգ դրության հայտարարումը Ոստիկանությունը ՊՆ-ից որևէ աջակցություն չի ստացել:
Իրականում. Առնվազն կադրեր կան, թե ոնց ենց ոսստիկանները ՊՆ բեռնատարներով տեղափոխվում: Դա նաև Միքաել Հարությունյանն է հաստատել:
Սուտ ցուցմունք 6. Հայկ Հարությունյանը պնդում է, որ Ազատության հրապարը ցրելուց հետո ցուցարարներին չեն հետապնդել:
Իրականում. հետապնդել են, որոշներին հետապնդել են ընդհուպ մինչև Հանրապետության հրապարակ, որտեղ շարունակվող ծեծի վիդեոները կան:
Սուտ ցուցմունք 7. Պատասխանելով քննիչի հարցին Հայկ Հարությունը պնդում է, որ չի հանձնարել շրջապատել Ազատության հրապարակը:
Իրականում. ոչ միայն հանձնարարել է, այլ անգամ նկարագրել է դա իր ցուցմունքի այլ հատվածում:
Սուտ ցուցմունք 8. Հայկ Հարությունյանը պնդում է, որ ոստիկանությունը մարտական փամփուշտներ չի կիրառել:
Իրականում. ողջ Երևանն էր տեսնում ոստիկանության կողմից ինքնաձիգերից արձակվող լուսարձակող (արդ՝ մարտական) փամփուշտները»:
