ԱՄՆ-ն փաստորեն «քցեց» քրդերին.նրանք նախընտրում են, որ քրդերը պատերազմեն թուրքերի դեմ
ԱՄՆ-ը, որը վերջին տարիներին քրդերի ամենամոտ դաշնակիցն էր, «քցեց» նրանց: Այս մասին հայտարարել է ՌԴ նախագահի մամուլի խոսնակ Դմիտրի Պեսկովը:«Փաստորեն, դավաճանեցին: Հիմա նրանք նախընտրում են քրդերին թողնել սահմանին և գրեթե ստիպել վերջիններիս պատերազմել թուրքերի դեմ»,-ասել է Պեսկովը:
Կրեմլի պաշտոնական ներկայացուցչի խոսքերով, եթե քրդական զինված խմբավորումները չնահանջեն, կարող են հայտնվել թուրքական բանակի հարվածի տակ: Այսպես Պեսկովը մեկնաբանել է Սիրիայի հարցով ԱՄՆ հատուկ ներկայացուցիչ Ջեյմս Ջեֆրիի հայտարարությունը, ով կասկած էր հայտնել քրդերի հեռանալու մասով, ինչը պարտադիր է Թուրքիայի հետ պայմանագրով:
