Տեսանյութ. Հիմա բանակցություններ չկան, իսկ դա նշանակում է, որ պատերազմի հավանականությունը մեծանում է
Ղարաբաղի հարցը պետք է հասկանանք, որ ոչ թե Ղարաբաղի ժողովրդի անվտանգության հարցն է, կամ Ղարաբաղի ժողովրդի իղձերի հարցը. իհարկե, դա կա, բայց դրա հետ միասին դա Հայաստանի անվտանգության հարցն է: Այս մասին այսօր՝ հոկտեմբերի 30-ին, լրագրողների հետ հանդիպման ժամանակ նշեց Հանրային խորհրդի նախագահ Վազգեն Մանուկյանը:Նրա նկատեց, որ այս պահին բանակցություններ չկան, իսկ դա վտանգավոր է:
«Ընդհանրապես բանակցությունները նպաստում են, որ պատերազմ չլինի եւ 20 տարի հաջողվեց ստատուս քվոն պահպանել: Հիմա ունենք մի փոքր շրջան, որ Ադրբեջանը որեւէ բան չի սկսի, բայց հիշեք, որ եթե բանակցությունները վերջանում են, պատերազմի հավանականությունը մեծանում է»,-ասաց Մանուկյանը:
