Մարդիկ անցյալից փախչում են դեպի ապագա, դու ներկայից անցյալ ես գնում

-Բարև ալիսա:

-Բարև իմ բազմաչարչար հեղափոխական:

-Ալիսա, քեզ Վանգայի տեղն ես դրել, ապագան ես գուշակում:

-Նիկոլ, մարդիկ անցյալից փախչում են դեպի ապագա, դու ներկայից անցյալ ես գնում, դրա մասին էր Սերժի հռետորաբանությունը:

-Ալիսա, դու Սերժի ակնարկներից ի՞նչ հասկացար:

-Ասեմ` նախ, երբ Սերժը ասեց Նիկոլը ճիշտ է, նա դրանով լեգիտիմացրեց քո այսօրվա վիճակը, այլապես քեզ էլ կմեղադրեին իշխանության զավթման մեջ:

Հետո, որ նա խոսքը չի դրժել, քո խաթեր ընտրվեց վարչապետ, որպեսզի իրավունք ունենա իշխանությունը քեզ փոխանցել, այլապես ով էր նա այդ պահին: Դրանով նա ցույց տվեց, որ խորհրդարանի և հանրապետականների պապան է, հովիվը, որ իր գառներին ինչ հրահանգի այն էլ կանեն, այլապես այսօրվա քո աթոռին Կարեն Կարապետյանը նստած կլիներ:

Հետո նա ասաց, որ 2008թ. մարտի 1-ի հետ ինքը կապ չունի, ինքը միայնակ քարոզարշավ է արել, մասնակցել է նախագահական ընտրություններին և սպասում էր, թե ընտրական հանձնաժողովն ինչ որոշում կկայացնի իր և Լևոն Տեր-Պետրոսյանի միջև, իսկ այդ որոշումների և սահմանադրական կարգի երաշխավորը դեռ լիազորությունները չավարտած Ռոբերտ Քոչարյանն էր՝ նա էր որոշում իրեն փոխանցի իշխանությունը, թե Լևոնին:

Պատմում են, որ իբր ազատության հրապարակում ծեծկռտուքներ են եղել, մարդիկ են մահացել, բանակ է խառնվել, դրանց մասին ինքը մամուլից է իմացել...իբր:

-Ալիսա այդ դեպքում ինչու՞ Քոչարյանը Լևոն Տեր-Պետրոսյանին չփոխանցեց իշխանությունը:

-Գիժ ես Նիկոլ, բա որ Լևոնը հոկտեմբերի 27-ին անդրադառնար՝ գիտես ի՞նչ կլիներ:

-Ի՞նչ պիտի լիներ, հիմա էլ ես եմ անդրադառնում:

-Նիկոլ, դու երբևէ ժամկետանց տուշոնկա կերած կա՞ս, այ ձեր բռնած գործը հիմա դրան է նման, հետո այդ ի՞նչ կապիկություններ են Նաիրիից հարցնել, թե ով էր 27-ի կազմակերպիչը: Նաիրին իր խոսքն ավտոմատով ասել է, նա մինչև հիմա չգիտի, թե այդ ինչպես կատարվեց:

-Իսկ ո՞վ գիտի:

-Շատ շատերը՝ հիմնական շահառուները, այդ օրերի ԱԱԾ նախարարները, ՀՀ դատախազները, քննչական խմբի անդամները և այլոք:

-Իսկ ինչու՞ չեն ասում:

-Որ լավ հարցնեք կասեն, բայց այդ բացահայտումներն ավելի կթունավորեն հայ ժողովրդի կյանքը, եթե շատ եք ուզում սկսեք Արմենակ Արմենակյանի և Միրոյանի սպանություններից և կծիկը կքանդվի, դա իրոք մի «ուչաստկովու» գործ է:

Hayacq.com-ի հումորային շարքից. Թիվ 23