Հայոց լեզուն որևէ մեկն իր տանից չի բերել.Եթե այդպես շարունակվի. Արայիկ Հարությունյանը ոնց եկել է, այդպես քայլելով էլ ետ կգնա
Սա նախազգուշական ակցիա է: Նախարարությունում թող սա ընդունեն որպես նախազգուշացում: Հայոց լեզուն որևէ մեկն իր տանից չի բերել, իսկ նախարարին էլ կոչ եմ անում որևէ նման լուրջ որոշում կայացնելուց առաջ խորհրդակցել մասնագետների հետ, մասնագիտական խորհուրդ կազմի: Այս մասին լրագրողների հետ զրույցում հայտարարել է հայտնի նախագծի դեմ ակցիա անող ուսանողներից մեկը:Այս պահին ԵՊՀ բանասիրական ֆակուլտետում ակցիա է ընթանում ընդդեմ հայոց լեզվի, պատմության և գրականության առարկաների պարտադիր ուսուցումը բուհական ծրագրերից հանելու նախագծի:
Տեսակետին, որ աշխարհի շատ բուհերում մայրենի լեզու չեն դասավանդում, ուսանողը նշեց, որ Բաղդադում էլ խուրմա կա:
Ուսանողը համաձայն է, որ հնարավոր է կան բովանդակային, ծրագրային խնդիրներ, սակայն, եթե մարդու ոտքը ցավում է, բուժում են, ոչ թե՝ կտրում. «Եթե ասում են, որ դպրոցներում ուսուցման մակարդակը կփոխեն: Եթե կփոխեն, թող դա անեն, տեսնենք, թե ինչ է լինում, միայն դրանից հետո կարելի է մտածել բուհերում այս փոփոխության մասին»:
Ակցիայի մասնակիցը հայտնեց, եթե նախարար Հարությունյանը չլսի ուսանողների, դասախոսների խոսքը, ակցիաներ կլինեն ԱԺ-ի, կառավարության մոտ. «Եթե այսպես շարունակվի, Արայիկ Հարությունյանը ոնց քայլելով եկել է, այդպես քայլելով էլ ետ կգնա»:
