Հայաստանն ամենաանվտանգ և ապահով երկրների ցանկում է՝ ըստ Gallup ինստիտուտի «Օրենք և կարգապահություն 2019» զեկույցի
Հասարակական կարծիքի ուսումնասիրման Gallup ամերիկյան ինստիտուտը հրապարակել է բնակչության ընկալումներով աշխարհի ամենաանվտանգ երկրների ամենամյա զեկույցը՝ «Օրենք և կարգապահություն 2019»-ը (Law and Order Index 2019): Հայաստանը, ըստ «Countries/Areas Most Likely to Feel Safe» հարցման, ամենից ապահով երկրների 7-րդ տեղում է: Հայաստանում հարցվածների 89 տոկոսը պատասխանել է, որ իրենց անվտանգ են զգում: Մոտավորապես նույնքան մարդ նույն պատասխանն է տվել Շվեյցարիայում: Արդյունքում երկրները կիսել են 6-րդ և 7-րդ տեղերը:
Ըստ հարցումների արդյունքների՝ առաջին հորիզոնականը զբաղեցրել է Սինգապուրը (94%): Սինգապուրին հետևել են Նորվեգիան (93% ), ԱՄԷ-ն (93 %), Սլովենիան (90%) և Թուրքմենստանը (90%):
Ընդհանուր առմամբ, «Անվտանգության ինդեքս»-ում Հայաստանը 85 բալ է հավաքել՝ կիսելով 11-րդ տեղը Ֆրանսիայի, Իռլանդիայի, Շվեդիայի, Ճապոնիայի, Սաուդյան Արաբիայի և Մյանմայի հետ:
Ցանկում վերջին հորիզոնականը զբաղեցրել է Աֆղանստանը:
