Վրացի շատ գործարարներն արդեն գումար են հավաքում՝ Իվանիշվիլիին իշխանությունից հեռացնելու համար
Վրաստանի նախկին նախագահ Միխեիլ Սաակաշվիլին պնդում է, որ վրացի շատ գործարարներն արդեն գումար են հավաքում՝ օլիգարխ Բիձինա Իվանիշվիլիին իշխանությունից հեռացնելու համար: Այս մասին նա հայտարարել է «Ռուսթավի 2» հեռուստաընկերության դե ֆակտո իրավահաջորդի՝ «Հիմնական ալիք»-ին տված բացառիկ հարցազրույցում։«Թող Իվանիշվիլին չմտածի, որ ինքը ամենաշատ փողն ունի: Արդեն հարյուրավոր վրացի գործարարներ, լավ, եթե ոչ հարյուրավորներ, ապա շատերը փող են հավաքում Իվանիշվիլիին իշխանությունից հեռացնելու և նրան Վրաստանից հեռացնելու համար: Ես անձամբ կապի մեջ եմ նրանց հետ և հաստատ գիտեմ դա», - ասել է Սաակաշվիլին:
Մեկնաբանելով մարդկանց թիվը, որ Բիձինա Իվանիշվիլիի կուսակցությունը հավաքվել էր դեկտեմբերի 14-ին՝ նշելու ԵԽ նախարարների կոմիտեում Վրաստանի նախագահությունը, նախկին նախագահը նշել է, որ իր կուսակցությունը, երբ իշխանության էր, ավելի շատ մարդ էր հավաքվում: Նա խոստովանել է, որ նույնիսկ իր օրոք տեղական վարչակազմերը մոբիլիզացնում էին մարդկանց և բերում հանրահավաքների և կառավարության տարբեր միջոցառումների:
Ինչպես ավելի վաղ հաղորդել էր Regnum-ը, դեկտեմբերի 14-ին Թբիլիսիում անցկացվել էր «Վրաստանի ճանապարհը դեպի Եվրոպա» խորագրով ակցիա, որը նվիրված էր Եվրոպայի խորհրդի Նախարարների կոմիտեում Վրաստանի նախագահությանը, իսկ իշխող «Վրացական երազանք» կուսակցությունը մայրաքաղաքից և տարածաշրջաններից բերել էր ավելի քան 100 հազար մարդ:
Անկախ փորձագետներն այս իրադարձությունը համարեցին որպես իշխող կուսակցության պատասխան ընդդիմության ցույցերին և «սեփական կողմնակիցների թվի» ցուցադրում: Նշվում է, որ հանրահավաքին ներկա հասարակ քաղաքացիների մեծ մասը, հեռավոր գյուղերի բնակիչները, չգիտեին, թե ինչ են նշում, և լրագրողներին ասել էին, որ ժամանել են Թբիլիսի՝ «կառավարությանը սատարելու համար»:
