Արմեն Մելիքբեկյանը՝ ՀՖՖ նախագահ
Արմեն Մելիքբեկյանը ընտրվեց ՀՖՖ նախագահ։ Նրա օգտին քվեարկել էր 13 պատվիրակ։ Ընտրությանը մասնակցող մյուս թեկնածու Թովմաս Գրիգորյանի օգտին քվեարկել էր 7 հոգի։ 3 քվեաթերթիկ համարվեց անվավեր։Նշենք, որ 1 պատվիրակ նիստին ներկա չէր, իսկ մյուսի անձնագիրը այլևս վավեր չէր։
«Եկեք միասին ֆուտբոլը փրկենք, եկեք միասին աշխատենք»,- այս մասին այսօր ՀՖՖ նախագահի ընտրության ժամանակ նշեց նախագահի թեկնածու Թովմաս Գրիգորյանը։
Նա նշեց, որ մամուլում տարածված նյութերը, թե ինքը մտերիմ հարաբերություններ ունի ՀՖՖ նախկին նախագահներ Ռուբեն Հայրապետյանի և Արթուր Վանեցյանի հետ, իրականությանը չեն համապատասխանում։
ՀՖՖ նախագահի թեկնածու Արմեն Մելիբեկյանն էլ նշեց, որ Հայաստանում ֆուտբոլային համակարգը շատ ծանր վիճակում էր գտնվում, և դա անձերի պատճառով չէր։
«Պետք է համակարգը փոխել և ֆուտբոլի կառավարումը պետք է լինի մարդկանց և ֆուտբոլային հանրության ձեռքերում։ Հայաստանում ֆուտբոլի հավասարաչափ զարգացման համար կարևորագույն հիմք է պրոֆեսիոնալ ֆուտբոլային լիգայի ստեղծումը»,- նշեց Մելիբեկյանը։
Հիշեցենք, որ ՀՖՖ նախագահի ընտրություններին մասնակցում էին առաջադրված 2 թեկնածու՝ Թովմաս Գրիգորյանը և Արմեն Մելիքբեկյանը։ «Անի» ՖԱ-ն հանել էր Խորեն Հովհաննիսյանի՝ ՀՖՖ Նախագահի պաշտոնում նախապես առաջադրված թեկնածությունը։
