Տեսանյութ. Դե այդպես փախեք,չեք ուզում լսել ճշմարտությունը. Միջադեպ՝ Նիկոլ Փաշինյանի հեռանալիս
ՀՀ վարչապետ Նիկոլ Փաշինյանի և Իմ քայլը խմբակցության հանդիպումն ավարտվեց, վարչապետը հեռացավ լրագրողների հարցերն անպատասխան թողնելով: Նա նաև չպատասխանեց հարցին՝ արդյո՞ք Հայաստանում պետական հեղաշրջման փորձ եղել է, թե՝ ոչ:ՔՊ գրասենյակի մոտ է նաև ապրիլյան պատերազմի մասնակից, «Դիրքապահ քառօրյա պատերազմի մասնակիցների միավորման» ղեկավար Մանուել Մանուկյանը, ով Հայաստանում 2018 թվականի հայտնի օրերին նույնիսկ ելույթ ունեցավ հարթակից: Վարչապետը չկանգնեց ու չզրուցեց նրա հետ, չնայած խնդրանքին:
«Այ ըտենց կգնաք, որովհետև չեք ուզում լսել ճշմարտությունը: Ուրիշ ժամանակ կանգնում էիք: Դե այդպես փախեք»,-ասաց Մանուկյանը:
«Պարոն վարչապետը նստում է մեքենան ու արհամարհական գնում»,-ասաց Մանուկյանը՝ նեկայացնելով ինչ-որ նկար ու հայտարարելով, որ նկարում պատկերված մարդիկ այլասերում են հասարակությունը, վտանգում ազգային անվտանգությունը:
