Տեսանյութ.Մարուքյանը զգուշացնում է Փաշինյանին. Մարդիկ կան, ովքեր գլուխները կորցրել են, անգլուխ ձիավորի նման ընկել եսիմ ուր
![](https://analitik.am/wp-content/uploads/news/2020/01/4WOkAPQYSG.jpg)
Մարուքյանի խոսքերով, կա այն ինչ կա. «Ես 7 տարի պատգամավոր եմ, սեղաններին խփել ենք, տեղից գոռացել ենք, միջամտել ենք, թույլ չենք տվել մեկը մյուսի փոխարեն քվեարկի՝ դա անելով գոռալ-ճվալով ու ըստ էության նիստը խանգարելով, սակայն սանկցիաներ չեն կիրառվել մեր նկատմամբ: Ես սթափության կոչ եմ անում, տղաներ և սիրելի աղջիկներ, գլուխներդ մի կորցրեք, ձեզ նորմալ պահեք, էսօր կաք, վաղը չկաք: Վստահությունը, որն ունեք, բացարձակ չէ: Բացի դրանից, դա չի նշանակում, որ դուք չպետք է ձեր չափը չճանաչեք: Այս ամեն ինչն իր ազդեցությունն ունենալու է»:
Ինչ վերաբերում է իրենց հետագա գործողություններին, Մարուքյանը նշեց, որ դեռ չգիտեն, թե ինչ է լինելու, պատային վիճակ է. «Մի կողմից իրավունքի ուժով հանձնաժողով է ստեղծվել, մյուս կողմից կազմ չկա»:
Մարուքյանը նշեց, որ կուսակցության խորհուրդը հայտարարություն է նախապատրաստում տեղի ունեցածի վերաբերյալ. «Մեր բոլոր գործընկերները՝ թե՛ միջազգային, թե՛ տեղական, որոնք աջակցում են խորհրդարանական կարողությունների զարգացմանը, պետք է տեղյակ լինեն, որ մարդիկ կան, ովքեր գլուխները կորցրել են, անգլուխ ձիավորի նման ընկել եսիմ ուր են գնում: Նրանց պետք է բերել նստեցնել իրենց տեղը: Այս ամեն ինչի քաղաքական պատասխանատուն վարչապետն է, և այս ամեն ինչի քաղաքական հետևանքները նաև կզգա ինքը»: