ԱՀԿ-ն կարող է համաշխարհային արտակարգ իրավիճակ հայտարարել
Առողջապահության համաշխարհային կազմակերպությունն այսօր որոշում կկայացնի՝ արդյո՞ք Չինաստանում և դրա սահմաններից դուրս տարածվող նոր կորոնավիրուսը պետք է հայտարարել համաշխարհային արտակարգ իրավիճակ, թե՞ ոչ:Reuters լրատվական գործակալության փոխանցմամբ՝ ԱՀԿ-ում այս հարցով երկարատև հանդիպում է տեղի ունեցել անկախ փորձագետների հետ:
Չինաստանում նոր տեսակի կորոնավիրուսի զոհերի թիվը հասել է 17-ի: Գրանցված վարակակիրները թիվը գերազանցել է 540-ը:
Մասնագետների մի մասը կարծում է, որ վարակի աղբյուր կարող են լինել ապօրինի վաճառված վայրի կենդանիները:
ԱՀԿ-ն հայտարարել է, որ փորձում է պարզել, թե ինչպես է վիրուսը տարածվում մարդկանց շրջանում:
