Տեսանյութ.Ինչպես են Հայաստանում գտնում երկրորդ կեսին և ինչպես ստեղծել հայ ընտանիք` ապրելով Հայաստանից դուրս

Իլոնա Բաղիշյանը նշեց, որ արդեն 11-րդ տարին  է ինչ գործում է «Երջանկության գաղտնիք» ամուսնական գործակալությունը: Տղամարդկանց դեպքում գրանցվելու համար տարիքային շեմը 28-տարեկանն է։ Ընդհանուր առմամբ, դիմողների մեծ մասը 30-ից 50 տարեկան անձիք են. «Մեզ հիմնականում դիմում են կայացած մարդիկ, որոնք, կարյերայի հետևից ընկնելով, պարզապես մոռացել են իրենց անձնական կյանքի մասին։  «Երջանկության գաղտնիք» ամուսնական գործակալությունը այդ բացը լրացնելու լավ հնարավորություն է»,-ասաց Իլոնա Բաղիշյանը։ 

 

Իլոնա Բաղիշյանը նաև ասաց, որ երբեմն գալիս են տղաների և աղջիկների մայրերը: Լինում են նաև դեպքեր, երբ ամուրիների համար զուգընկեր են փնտրում արդեն իրենք՝ երեխաները։

 

Սեդրակ Սեդրակյանի կարծիքով էլ մայրերի ակտիվ մասնակցությունն այս գործին «լավ օրից չէ». «Միշտ կա հոգեբանական գոտի հասկացողությունը։ Մայրը շատ ապահով է լինում, երբ երեխային իր զոնայի մեջ է տեսնում: Կախվածության համար առաջին պատասխանատուն մայրն է։ Արտասահմանում այդպես չէ, ինչքան երեխան մեծանում է, այդքան զոնայից հեռանում է, թողնում են ինքնուրույն լինի»,-նշեց Սեդրակ Սեդրակյանը։

Մանրամասները՝ Hayacq.com-ի տեսանյութերում