Թուրքերը մի քանի հազար դոլարի դրամաշնորհներ են առաջարկում տեղի հայերին Երուսաղեմի հայկական թաղամասը «գնելու» համար
JewishPress.com-ը հոդված է հրապարակել Երուսաղեմի հայկական թաղամասում Թուրքիայի իշխանությունների հատուկ գործունեության մասին: Նշվում է, որ Թուրքիայի ներկայացուցիչները տեղի բնակիչների հետ հանդիպումների ընթացքում համոզում են, որ վերջիններս հրաժարվեն Հայոց ցեղասպանության հետ կապված պահանջներից:Տեղի բնակիչ Իլյա Կախաբադյանը, որին է պատկանում Հայոց ցեղասպանության մասին լուսանկարների և փաստաթղթերի հազվագյուտ հավաքածուն, պատմել է թուրք դիվանագետի հետ հանդիպման մասին:
Ըստ Կախաբադյանի՝ դիվանագետը փորձել է համոզել իրեն, որ դադարեցնի Հայոց ցեղասպանության մասին տեղեկացնելու ջանքերը, բայց մերժում է ստացել:
Նշվում է, որ թուրքական կողմը ֆինանսական միջոցների օգնությամբ փորձում է լուծել հայկական թաղամասը «գնելու» հարցը:
Թուրքերը մի քանի հազար դոլարի դրամաշնորհներ են առաջարկում տեղի հայերին: Նրանք նաև առաջարկում են բարձր գներով գնել տեղի բնակիչների տները, սակայն այս դեպքում ևս մերժվում են:
Երուսաղեմում ավելացել է նաև թուրք զբոսաշրջիկների հոսքը: Իլյա Կախաբադյանի խոսքերով՝ քաղաքում նրանք ոչնչացնում են Հայոց ցեղասպանության վերաբերյալ բոլոր պաստառները և հայերին դատապարտող գրաֆիտիներ նկարում շենքերի պատերին:
