Մենք ամբողջ Եվրոպայում գրանցել ենք ամենաբարձր տնտեսական աճը․ Փաշինյան
Կառավարության այսօրվա նիստում վարչապետ Նիկոլ Փաշինյանն ամփոփեց 2019 թվականի աշխատանքները, հիշեցրեց, որ դա առաջին տարին էր, երբ նոր կառավարությունը լիարժեք էր աշխատում։ Նա նշեց, որ այդ տարվա ցուցանիշներն են, որ պետք է ցույց տան կառավարության աշխատունակությունը։Այդ ցուցանիշներից վարչապետ Փաշինյանն առանձնացրեց տնտեսական աճը, որը կազմել է 7,6 տոկոս։ Փաշինյանն ասաց, որ այդ ցուցանիշը բարձր է ԵԱՏՄ բոլոր երկրներից, հարևան բոլոր երկրներից ու Եվրոպայի երկրներից։
«Այսինքն՝ մենք ամբողջ եվրոպական տարածաշրջանում գրանցել ենք ամենաբարձր տնտեսական աճը», -ասաց Փաշինյանը։
Նա հավելեց, որ այդ ամենին զուգահեռ եղել է ֆինանսական կայունություն, իսկ գնաճը եղել է վերահսկելի մակարդակում։
