Ուհանում կորոնավիրուսով հիվանդացության դեպքերի կրճատման պատճառով փակվել է էքսպրես-հիվանդանոցներից մեկը
Չինական Ուհան քաղաքի իշխանությունները փակել են ժամանակավոր հիվանդանոցը նոր վիրուսով հիվանդացությունների քանակի կրճատման պատճառով, հայտնում է Reuters-ը:Նշվում է, որ փակված հիվանդանոցն այն 16 բուժհիմնարկներից մեկն էր, որը հատուկ կառուցվել էր կորոնավիրուսային համաճարակի դեմ պայքարի համար: Հիվանդանոցը փակվել է այն բանից հետո, երբ վերջին հիվանդները դուրս են գրվել այնտեղից:
Այս օրերին Հուբեյում և դրա մայրաքաղաք Ուհանում ևս կորոնավիրուսով վարակման դեպքերի կտրուկ կրճատում է նկատվել: Այսպիսով, մարտի 1-ին, հունվարից ի վեր առաջին անգամ, այնտեղ գրանցվել են վարակի 200-ից պակաս դեպքեր: Մինչ այդ օրական գրանցվում էր 570 նոր դեպք:
