Սինգապուրցի գիտնականները ստեղծել են կորոնավիրուսը 5 րոպեում ախտորոշող թեստ
Սինգապուրցի գիտնականները մշակել են կորոնավիրուսի թեստ, որը թույլ է տալիս արդյունքը ստանալ 5 րոպեում։ Այս մասին հայտնում է The Straits Times-ը։Գիտության, տեխնոլոգիաների և հետազոտությունների գործակալության լաբորատորիայի ղեկավար, պրոֆեսոր Ջեքի Ինը հույս ունի, որ Cepat թեստի զանգվածային կիրառումը կսկսվի 1 ամսվա ընթացքում։ Կլինիկական փորձարկումներն արդեն ավարտվել են։ Թեստերը ցույց են տվել հետազոտությունների բարձր ճշգրտություն։ Նշվում է, որ նոր թեստը թույլ է տալիս պատճենել ԴՆԹ հատվածները՝ առանց ջերմաստիճանային ազդեցության։
