Սա անիմաստ կարգավորում է.դա պիտի արվեր, երբ ունեինք հիվանդ համար 1. Մարուքյանը՝ հեռախոսազանգերը լսելու անհրաժեշտության մասին
Խորհրդարանում թեժ քննարկումների առիթ է տվել կառավարության ներկայացրած նախագիծն այն մասին, որ կորոնավիրուսով վարակված անձանց հետ շփման շրջանակը պարզելու համար անհրաժեշտ է, որ քաղաքացիները հատուկ հավելված ներբեռնեն: Այն հնարավորություն կտա լսել հեռախոսազանգերը և ծանոթանալ հաղորդագրություններին: Նախարարը վստահեցրել է՝ դրանց բովանդակությանը չեն ծանոթանալու, իսկ արտակարգ դրության ավարտից հետո հավաքված տվյալները ոչնչացվելու են:ԱԺ «Լուսավոր Հայաստան» խմբակցության անդամ Գևորգ Գորգիսյանը նկատեց՝ զանգը դեռ չի նշանակում ֆիզիկական շփում, իսկ ֆիզիկական շփումը դեռ չի նշանակում, որ զանգ է եղել:
«Իմ քայլը» խմբակցության անդամ Լուսինե Բադալյանը շեշտեց՝ ինքը, խորհրդարան գալով, ավելի մեծ վտանգի է ենթարկում, քան հեռախոսազանգի միջոցով: Նա նաև հայտնեց՝ հանդիպումների մասին մարդիկ, մանավանդ վերջին շրջանում, հիմնականում պայմանավորվում են սոցկայքերի միջոցով:
«Լուսավոր Հայաստան» խմբակցության ղեկավար Էդմոն Մարուքյանն արձագանքեց.
«Ես կարդում եմ՝ պարտավոր են տրամադրել, հարց՝ ո՞ւմ տվյալները, ստուգվա՞ծ, թեստավորվա՞ծ անձի, վարակակի՞ր, հիվանդության ախտանիշներ ունեցո՞ղ անձի: Երբ անձն ախտորոշվել է ու մեկուսացված է՝ ես այդտեղ խնդիր չեմ տեսնում, խնդիր եմ տեսնում, որ մարդը կարող է չհիշել՝ ուր է եղել, ում հետ է շփվել»:
Մարուքյանն ասաց, որ այս նախպաձեռնությունը գուցե կարող էր արդյունավետ լիներ այն ժամանակ, երբ ունեին հիվանդ համար 1, բայց հիմա, երբ նորից այդքան դեպք հաստատվեց, սա անիմաստ կարգավորում է:
Պատգամավորի կարծիքով՝ այս նախաձեռնությամբ քաղաքացիների իրավունքները սահմանափակելն անընդունելի է:
