Կորոնավիրուսային համավարակի պայմաններում այն երկրները, որոնք հրաժարվում են ընդունել իրենց քաղաքացիներին, կպատժվեն
Միացյալ Նահանգները կարող է վիզային սահմանափակումներ՝ պատժամիջոցներ կիրառել այն պետությունների նկատմամբ, որոնք հրաժարվում կամ ձգձգում են իրենց քաղաքացիների ընդունումը կորոնավիրուսային համավարակի պայմաններում։ Այս մասին հրամանագիրը, ըստ Reuters գործակալության, արդեն ստորագրել է նախագահ Դոնալդ Թրամփը։Հրամանագրում ասվում է, որ պատժամիջոցների ենթակա են այն դեպքերը, երբ երկիրը անհիմն ձգձգում է իր իսկ քաղաքացիներին ԱՄՆ-ից վերադարձնելու գործընթացը կամ առհասարակ հրաժարվում է դրանից։ Այդ մասին տեղեկանքները ԱՄՆ-ում հավաքելու է ներքին անվտանգության նախարարությունը։
Այդ տեղեկանքների հիման վրա երկրի պետքարտուղարությունը մեկ շաբաթում իրականացնելու է պատժամիջոցների սահմանումը։
