Զելենսկին հայտարարել է, որ պատրաստ է բանակցությունների սեղանի շուրջ նստել Պուտինի հետ, եթե այն խաղաղություն հաստատելու միակ տարբերակը լինի          Ամենայն Հայոց Կաթողիկոսը մեկնել է Շվեյցարիա       Եթե այս մեկը զիջենք աստիճանաբար ուրիշ բաներ կանեն, ինչպես գույքահարկը, աղբի հարկը    

Մամուլի Տեսություն / Հասարակություն

14 ապր 2020 10:37

Մեկը սրտաճաք է անում, մյուսն էլ վտանգի զգացողությունը բթացնում.«Իրատես»

«Իրատես» թերթը գրում է. «Կորոնավիրուսը, ի թիվս առողջապահական եւ տնտեսական բազում խնդիրների, այլ ոլորտների բացթողումները եւս ի ցույց դրեց։ Այս օրերին ամենապահանջվածը պիտի լիներ ու ամենաշատը պետք է հնչեր վարակաբանների, հոգեբանների խոսքը, որոնք կառավարության համապատասխան օղակների հետ կաշխատեին եւ տեղեկությունն առանց խուճապի ու հնարավորինս մասնագիտորեն կներկայացնեին հասարակությանը։ Այս կարեւոր օղակի աշխատանքը բացակայում է։


Մինչդեռ ի՞նչ ունենք այսօր. բժիշկներն ու հոգեբանները լռում են, խոսում են միայն պաշտոնյաները, որոնց հայտարարությունները, մեղմ ասած, հակասում են իրար։ Երբ վիրուսի վերաբերյալ առողջապահության նախարարն է շտապում տեղեկություն տրամադրել, հասկանալի է, բայց երբ վարչապետն է բոլորից առաջ ընկնում ու ամեն հարցում ցանկանում առաջին «սուրհանդակը» լինել, արդեն ծիծաղելի էլ չէ։




Երբ եւս մեկ ամսով էլ է արտակարգ դրությունը երկարաձգվում, անհանգստացնող է մարդկանց ոչ միայն տնտեսական, այլեւ հոգեբանական վիճակը։ Ի վերջո, բոլորը չէ, որ նույն կերպ են արձագանքում վիրուսի վերաբերյալ տեղեկություններին։ Մի մասի վրա վարակակիրների օր օրի ավելացող թիվը հոգեբանական մեծ ճնշում է առաջացնում, երբ դրան էլ գումարվում է առողջապահության նախարարի այն հայտարարությունը, թե վիրուսի տարածումը վերահսկողությունից դուրս է եկել, պատկերացնու՞մ եք, թե ինչ է լինելու մեկուսացած, հոգեբանորեն վատ վիճակի մեջ հայտնված մարդկանց հետ։ Մինչդեռ մեկ ամիս էլ պիտի դիմանալ, իսկ վարակվածների թիվն ավելի է մեծանալու։


Այս իրավիճակում պետք է հոգեբանները խոսեն ու մարդկանց բացատրեն իրավիճակը, խորհուրդներ տան, վարակաբանները ներկայացնեն հիվանդության մասին ստույգ ու արդեն հայտնի փաստեր, վտանգների մասին նախազգուշացնեն, փարատեն հանրության շրջանում պտտվող միֆերը։ Բայց հասարակությունն այսօր մնացել է վարչապետի ու առողջապահության նախարարի մատուցած լրահոսի հույսին, որոնցից մեկն ասում է, թե շուտով բնականոն կյանքին կանցնենք, իսկ մյուսն էլ, թե վիրուսը վերահսկողությունից դուրս է եկել, 1-2 տարի հնարավոր չի լինելու վերադարձ նախկին կյանքին։


Վիրուսի վերաբերյալ մասնագիտորեն ոչ կոմպետենտ վարչապետը, ինչպես ինքն է ասում, չափից շատ խուճապը կանխում, այն է՝ վտանգի զգացողությունը բթացնում է, իսկ առողջապահության նախարարն էլ իր հայտարարություններով սրտաճաք է անում նյարդերից թույլ մարդկանց։ Ի վերջո, այս իրավիճակում Նիկոլ Փաշինյանը պետք է վայր դնի վարակաբանի իր «դափնիներն» ու թողնի, որ մասնագետները հանրության հետ խոսեն, բացատրեն իրավիճակը»:


Առավել մանրամասն՝ թերթի այսօրվա համարում

  • Մեկնաբանություններ: 0

Մեկնաբանություններ


Համընկնող լուրեր

  • Թողեք, լեռ ու սար բարձրանա, մտքերը քամուն տա. ավելի հանգիստ է այս ընթացքն անցնում՝ առանց նրանց մահաշունչ ու աշխարհակործան հայտարարությունների.«Իրատես» Թողեք, լեռ ու սար բարձրանա, մտքերը քամուն տա. ավելի հանգիստ է այս ընթացքն անցնում՝ առանց նրանց մահաշունչ ու աշխարհակործան հայտարարությունների.«Իրատես»
  • Արտակարգ դրությունը կերկարաձգվի.վիճակի վատթարացմամն դեպքում կանցնեն սահմանափակումների խստացման ռեժիմին.«Հրապարակ» Արտակարգ դրությունը կերկարաձգվի.վիճակի վատթարացմամն դեպքում կանցնեն սահմանափակումների խստացման ռեժիմին.«Հրապարակ»
  • Խորհրդարանը վերափոխվել է փողոցի «բեսեդկայի», քաղաքական բանավեճի «տեցի կռուգ» չէ. «Իրատես» Խորհրդարանը վերափոխվել է փողոցի «բեսեդկայի», քաղաքական բանավեճի «տեցի կռուգ» չէ. «Իրատես»
  • Կասկածի որդը. Փաշինյանը փորձում է պարզել, թե ում հետ ու ինչ «դավադիր» ծրագրեր են մշակում յուրայիները.«Իրատես» Կասկածի որդը. Փաշինյանը փորձում է պարզել, թե ում հետ ու ինչ «դավադիր» ծրագրեր են մշակում յուրայիները.«Իրատես»
  • Փաշինյանը չի սպասի անգամ, որ արտակարգ իրավիճակն ավարտվի, կփորձի մի քանիսին «փռել ասֆալտին. »«Իրատես» Փաշինյանը չի սպասի անգամ, որ արտակարգ իրավիճակն ավարտվի, կփորձի մի քանիսին «փռել ասֆալտին. »«Իրատես»
  • Ո՞րն է մարդկանց տեղորոշելու նախագծի իրական նպատակը.. ի՞նչ է լինելու այդ տվյալների հետ համաճարակից հետո.«Իրատես» Ո՞րն է մարդկանց տեղորոշելու նախագծի իրական նպատակը.. ի՞նչ է լինելու այդ տվյալների հետ համաճարակից հետո.«Իրատես»
  • «Իմ քայլում» իրար վրա «բոչկա են գլորում». Հյուրերը հանկարծակիի են եկել. «Իրատես» «Իմ քայլում» իրար վրա «բոչկա են գլորում». Հյուրերը հանկարծակիի են եկել. «Իրատես»
  • Փաշինյանը հասկանում է, որ այս կադրերով ու քաղաքականությամբ օր օրի իշխանությունը կորցնելու վտանգի առաջ է կանգնում.«Իրատես» Փաշինյանը հասկանում է, որ այս կադրերով ու քաղաքականությամբ օր օրի իշխանությունը կորցնելու վտանգի առաջ է կանգնում.«Իրատես»
  • Հիմա՞ էլ գռփող կա.ինչու՞ թոշակները չեն բարձրանում,միայն չասեք՝ համբերեք. «Իրատես» Հիմա՞ էլ գռփող կա.ինչու՞ թոշակները չեն բարձրանում,միայն չասեք՝ համբերեք. «Իրատես»
  • «Իրատես».Միայնակ խաղացող Փաշինյանը բազում խնդիրների մեջ է.կկարողանա՞ այդ ամենի մեջից դուրս գալ «Իրատես».Միայնակ խաղացող Փաշինյանը բազում խնդիրների մեջ է.կկարողանա՞ այդ ամենի մեջից դուրս գալ