Մենք շուտով կիմանանք, թե ովքեր են եղել Crocus City Hall-ի ահաբեկչության պատվիրատուները. փորձագետ          Արամ Սարգսյանը՝ առաջիկա շաբաթներին թշնամու հնարավոր հարձակման մասին       Իշխանությանն անհանգստացրել է Արցախի նախագահի բաց խոսելը ՝ ՀՀ տարածքների նկատմամբ ադրբեջանական օկուպացիայի և տարածքային պահանջատիրության մասին    

15 ապր 2020 12:23

Տեսանյութ.Տպավորություն ունեմ, որ իշխանություն է ընկել ձեռքներդ, չգիտեք՝ ոնց օգտագործել. Էդմոն Մարուքյանը՝ Արարատ Միրզոյանին

Նախ ուզում եմ Ազգային ժողովի նախագահի անաչառությունը հարցականի տակ դնել: Այս մասին այսօր Ազգային ժողովում իր ելույթում ասաց «Լուսավոր Հայաստան» խմբակցության ղեկավար Էդմոն Մարուքյանը:


«Պարոն Միրոզոյան, արդեն որերորդ անգամն է, դուք «Իմ քայլը» դաշինքի վիրավորական ելույթներին չեք արձագանքում, արձագանքում եք ընդդիմության ելույթներին, բայց դուք դրանով ձեզ եք վնասում»,-ասաց նա:


Հիշեցնենք, որ քիչ առաջ ԱԺ նախագահ Արարատ Միրզոյանը ԱԺ կանոնակարգ սահմանադրական օրենքի հոդված 52-ի համապատասխան կետի համաձայն Էդմոն Մարուքյանին հայտարարեց նախազգուշացում՝ պատգամավորների հետ անհարգալից խոսելու համար: «Որքան էլ նյարդերը լարված լինեն, պետք է հարգալից խոսել իրար հետ, ինչ է նշանակում, դու ով ես»,-ասաց ԱԺ նախագահը և ի պատասխան Էդմոն Մարուքյանը հնչեցրեց․ «դա է նշանակում»:


Էդմոն Մարուքյանը նշեց նաև, որ հարցումներ են արել արտահերթ նիստի հետ կապված: «Այն արտահերթ նիստի, որը 5-ից 5 պակաս էիք իմացել և 88 հոգով եկել էիք: Կառավարությունը, բնականաբար, շուտ է նիստ գումարել և հրավիրել արտահերթ նիստ, բնականաբար ԱԺ նախագահը դա իմացել է և մեզ չի տեղեկացրել, ինչը նախկինում միշտ արվել է, այդ օրը խռովել էիք երևի, որ տապալվել էր նախագիծը: «Իմ քայլը» դաշինքը կարող է խռովել, ԱԺ նախագահը չի կարող․ նա պետք է լինի բոլորի ԱԺ նախագահը: Բայց այդպես է ստացվել, նորմալ է, այդպես կաշխատենք», ասաց նա և նշեց, որ խորհրդարանաի բնականոն գործունեությունը չի ապահովվել:


«Տպավորություն ունեմ նկատողությունների հետ կապված, որ իշխանություն է ընկել ձեռքներդ, չգիտեք՝ ոնց օգտագործել»,-ասաց նա:


Աժ նախագահն ասաց, որ որ պահին տեղեկացել է Ազգային ժողովը արտահերթ նիսի հետ կապված այդ պահից սկսած տեղեկացրել են, ավելին երկրորդ ընթերցման ժամանակ առաջին րոպեներից ասվել է: «Դե բոյկոտել եք, մի գցեք ԱԺ նախագահի վրա»,-ասաց նա և հավելեց․


«Ինչ վերաբերում է նրան, որ դուք ԱԺ նախագահին ասում եք իշխանություն է ընկել, չգիտեք՝ ոնց օգտագործեք, այս ձևակերպումը և խոսքերը ինձ չեն վնասում, և իմ թաքնված իղձերի մասին չեն խոսում, այլ երևի այդ բառերի հեղինակի»,-ասաց նա և նշեց, որ եթե Էդմոն Մարուքյանը տարբերություն չի տեսնում քաղաքական ելույթի և դահլիճից ասված «դու ով ես» արտահայտության մեջ, ապա եռակի ցավում է:




Մեկնաբանություններ


Համընկնող լուրեր