Եռաշերտ դիմակներ, ձեռնոց, օճառ և ջուր. ինչո՞վ պետք է գործատուներն ապահովեն աշխատակիցներին
ՀՀ առողջապահական եւ աշխատանքի տեսչական մարմնի աշխատողների առողջության պահպանման եւ անվտանգության ապահովման վարչության պետ Աշոտ Հարությունյանի մամուլի ասուլիսի ժամանակ ներկայացրեց այն պայմանները, որոնք պետք է գործատուն ապահովի աշխատողների համար:Նա նշեց, որ կարևոր պայման է ապահովել ձեռքերի կանոնավոր և մանրակրկիտ լվացման համար անհրաժեշտ միջոցներ, անհրաժեշտ է ապահովել ջրի և օճառի, ալկոհոլային հիմքով ախտահանիչ միջոցների, եռաշերտ դիմակների, ձեռնոցների առկայությունը, ինչպես նաև ապահովել դիմակների կրումը այն աշխատողների կողմից, որոնք անմիջական շփում ունեն հաճախորդների հետ:
Անհրաժեշտ է յուրաքանչյուր աշխատակցի ջերմությունը չափել օրական 2 անգամ՝ հեռահար չափող ջերմաչափերով:
