Մարալիկի հիվանդանոցի 10 բուժաշխատողի մոտ կորոնավիրուս է հայտնաբերվել, այժմ թեստավորվել է ամբողջ անձնակազմը
Մարալիկի հիվանդանոցի կորոնավիրուսով հիվանդ բուժաշխատողներից մեկի մոտ ինքնազգացողությունը վատացել էր, բայց արդեն կարգավորվել է։ Շիրակի մարզպետ Տիգրան Պետրոսյանն ասաց, որ բուժաշխատողի առողջական վիճակն այժմ բավարար է, կյանքին սպառնացող վտանգ չկա. «Ջերմություն ունի, բուժման պրացեդուրայի մեջ է գտնվել»,-ասաց մարզպետը:
Նրա խոսքով՝ երեկվա դրությամբ կորոնավիրուս է հայտնաբերվել Մարալիկի հիվանդանոցի 10 բուժաշխատողի մոտ, իսկ այժմ սպասում են ամբողջ բուժանձնակազմի հանձնած թեստերի արդյունքներին:
