Այժմ Ռուսաստանի տասնամյակն է սկսվում.ԱՄՆ-ի ու Չինաստանի ավերակների վրա Ռուսաստանը շուտով նոր ԽՍՀՄ կստեղծի
Ռուսաստանի Լիբերալ-դեմոկրատական կուսակցության ղեկավար Վլադիմիր Ժիրինովսկին հանդես է եկել սկանդալային հայտարարությամբ, գրում է rusjev.net կայքը:Ժիրինովսկիի կարծիքով՝ այնպիսի հսկայական պետություններ, ինչպիսիք են ԱՄՆ-ն ու Չինաստանը, շուտով կփլուզվեն, իսկ դրանց ավերակների վրա Ռուսաստանը նոր ԽՍՀՄ կստեղծի:
Քաղաքական գործիչը ԽՍՀՄ-ի վերածնունդը կանխատեսել է մոտակա տասնամյակի ընթացքում:
«Այժմ Ռուսաստանի տասնամյակն է սկսվում: ԱՄՆ-ի դեմ պայքարում Չինաստանը կխեղդվի: Բայց ԱՄՆ-ն կպարտվի: Ռուսական քարտեզ է ստացվում, քանի որ երկու հսկա երկիր կփորձեն միմյանց հաղթել»,-ասել է Ժիրինովսկին:
Նա նաև կանխատեսել է, որ Մեծ Բրիտանիայից հետո Եվրամիությունը կլքեն Իտալիան, Իսպանիան և Պորտուգալիան: Դրանից հետո, նրա խոսքով, Արևելյան Եվրոպայի երկրները կխնդրեն նոր ԽՍՀՄ-ի կազմում ներառվել:
«Բոլորը նորից կսողան մեզ մոտ: Մենք կվերականգնենք ԽՍՀՄ-ի սահմանները, բայց ոչ հանրապետությունների միությունը՝ միայն շրջանների, երկրամասերի իրավունքով: Նրանք կխնդրեն: Մենք ուղղակի կսպասենք առանց որևէ մեկին ստիպելու»,-եզրափակել է իր խոսքը Ժիրինովսկին:
