Միամիտ չենք, որ չհասկանանք՝ քամին ո՞ր կողմից է փչում. Սեդա Սաֆարյան
«Փեսաս մասնակցում է քննչական գործողություններին: Հետաքրքիր շախմատ են խաղում: Չեն հասկանում, որ այդ բոլորը ես հասկանում եմ: Շատ վրդովված ու վիրավորված եմ: Ես իմ կողքին չեմ տեսնում ուժեր, որոնք այսօր իմ կողքին պետք է կանգնած լինեին». ապրիլի 27-ին «Փաստաբան Սեդա Սաֆարյանի հարազատների նկատմամբ հարձակման և շարժառիթների» թեմայով քննարկմանն ասաց ինքը՝ տուժած Ս. Սաֆարյանը: «Հետաքրքիրն այն է, որ բաժնում տրվեց Աննա Դանիբեկյանի անունը. թե Ա. Դանիբեկյանն ինչ կապ ուներ այս գործի հետ, չկարողացա հասկանալ: Այդ հետաքրքրասերը, որ զանգել-հետաքրքվում էր, թե մենք ինչ կապ ունենք Ա. Դանիբեկյանի հետ, ինձ համար հասկանալի չէր:
Ըստ փաստաբանի՝ միամիտ չեն, որպեսզի չհասկանան, թե քամին որտեղից կարող է փչել:
«Ռոբերտ Քոչարյան, Սերժ Սարգսյան. ինձ համար մեկ է՝ նրանցից ո՞ր մեկի խումբն է նախաձեռնել այս պատմությունը»,- ասաց Սեդա Սաֆարյանը:
Նա հայտնեց, որ իր անձնական կապերի միջոցով կփորձի պարզել, թե ովքեր են հարձակում կատարածները:
