Ինչու է պետք թռիչքի ընթացքում անջատել հեռախոսը
Բրիտանացի օդաչուն հայտնել է, թե ինչու է պետք անջատել հեռախոսը օդային ճանապարհորդության ժամանակ, փոխանցում է «Ռիա Նովոստի»-ն։Նշվում է, որ չանջատելու դեպքում բջջային հեռախոսի ազդանշանները կարող են խանգարել ինքնաթիռների նավիգացիոն համակարգերին: Իսկ հեռախոսն անջատելու դեպքում օգտվողը չի կարող օգտվել ինտերնետից կամ զանգ կատարել, ինչը նշանակում է, որ ռադիոհաճախականության ազդանշանի ցանկացած փոխանցում արգելափակված կլինի։
«Տարիների ընթացքում կատարվել են մի շարք ուսումնասիրություններ, որոնք ապացուցում են օդանավում բջջային հեռախոսների օգտագործման և ինքնաթիռի համակարգի անսարքությունների միջև կապը», - ասել է բրիտանացի օդաչուն:
Միևնույն ժամանակ, նախկին բորտուղեկցորդ Բոբբի Լորին ասել է, որ հեռախոսը հազվադեպ է ազդեցություն ունենում ինքնաթիռի նավիգացիոն համակարգի վրա:
«Դա տեղի է ունենում որոշակի մոդելներ օգտագործելիս, կամ երբ միևնույն ժամանակ մի քանի ուղևոր օգտվում են բջջային հեռախոսից»,- ասել է նա:
