Ֆրանսիայի դեղատներում պահպանակները հունվարի 1-ից կլինեն ձրի 18-25 տարեկան անձանց համար          Ալիևը հասկացել է, որ «Զանգեզուրի միջանցքի» բացման հնարավորություն չկա, իսկ եթե լեզուն շատ երկարացնի, պետք է իր տեղը ցույց տալ       Միջադեպից հետո ադրբեջանական ավտոշարասյունը կրկին գյուղով անցել է, խելոք անցել են, հավանաբար դաս է եղել հայ երիտասարդների պահվածքը    

26 հուն 2020 12:14

Գիտնականները զգուշացնում են, որ ոչ մի դեպքում չի կարելի «իմունային անձնագրեր» տալ COVID-19-ից առողջացածներին

Նոր կորոնավիրուսով վարակվելուց հետո արտադրվող հակամարմինները օրգանիզմից կարող են անհետանալ արդեն 2 ամիս անց: Այս մասին նախազգուշացնում են Chongqing Medical University-ի չինացի գիտնականները, որոնց նոր հետազոտության արդյունքները հրապարակվել են Nature Medicine ամսագրում:


Հետազոտության հեղինակները համեմատել են ինֆեկցիան տարած ավելի քան 70 մարդու իմունային ռեակցիաները, հայտնում է ABC News-ը: Պարզվել է , որ հիվանդության ասիմպտոմ ընթացքով պացիենտների 40 տոկոսը եւ նրանցից 13 տոկոսը, ում մոտ ախտանիշներ են եղել, որոշ ժամանակ անց հակամարմիններից զրկվել են:


Գիտնականների խոսքով՝ այս տվյալները վկայում են, որ մարդկանց օրգանիզմները մշակում են կորոնավիրուսից պաշտպանության տարբեր աստիճաններ, եւ դրա դեմ իմունիտետի տեւողությունը դեռեւս պետք է ավելի մանրամասն հետազոտվի:


Գիտնականները զգուշացնում են, որ ոչ մի դեպքում չի կարելի «իմունային անձնագրեր» տալ COVID-19-ից առողջացածներին կամ նրանց թույլ տալ ճանապարհորդել կամ աշխատանքի վերադառնալ, քանի որ անգամ հակամարմինների առկայությունը դեռեւս չի նշանակում «վերավարակման անընկալունակություն»:


Հիշեցնենք, որ Առողջապահության համաշխարհային կազմակերպության խորհրդական, պրոֆեսոր Քերոլ Սիկորան պնդում է, որ նոր կորոնավիրուսով վարակված պացիենտներից միայն 10 տոկոսի մոտ են մշակվում այդ վիրուսի դեմ հակամարմիններ:


Ավելին՝ մյուս գիտնականները եւս նշում են, որ պացիենտներից շատերի մոտ հակամարմիններ կա՛մ ընդհանրապես չեն արտադրվում, կա՛մ անհետանում են առողջանալուց հետո կարճ ժամանակ անց: Մասնագետներն ուսումնասիրելով Ուհան քաղաքի բուժաշխատողների մոտ իմունիտետի հայտնվելը՝ նկատել են, որ հակամարմիններ են եղել հետազոտվող բժիշկներից միայն 4 տոկոսի մոտ, չնայած 23 հազարից մեկ քառորդից ոչ պակասը կարող էր կորոնավիրուսով վարակվել:

Մեկնաբանություններ


Համընկնող լուրեր