Մենք շուտով կիմանանք, թե ովքեր են եղել Crocus City Hall-ի ահաբեկչության պատվիրատուները. փորձագետ          Տեսանյութ.Արա, դուք վախեցած եք,Ճիշտ եք անում, որ վախենում եք.պահը մոտենում է.ինչ պլանավորել ենք, անելու ենք       Պուտինը հաջորդ հանդիպման ժամանակ Փաշինյանին ասել է. «Մենք զարմացած էինք, որ դուք այդպես որոշեցիք՝ ԼՂ-ն ճանաչել է Ադրբեջանի մաս    

10 հուլ 2020 11:34

Կա՞ COVID-19-ով երկրորդ անգամ վարակվելու վտանգ. համի և հոտի կորուստը կարող է պահպանվել ևս մի քանի ամիս

Գիտնականների մեծամասնությունն այն կարծիքին է, որ COVID-19-ով հիվանդացած մարդիկ որոշակի իմունիտետ են ձեռք բերում հարուցիչ հանդիսացող վիրուսի դեմ: Սակայն, դեռևս հաստատված չէ, թե որքան երկար է տևում այդ պաշտպանությունը՝ մի քանի ամիս, մի ​​քանի տարի, թե ամբողջ կյանքի ընթացքում, գրում է Wall Street Journal-ը՝ հավելելով, որ իմունիտետի տևողությունը կախված է հարուցիչից:


«Այնպիսի վիրուսները, ինչպիսին է գրիպի վիրուսը, կարող են այնքան արագ մուտացիայի ենթարկվել, որ պաշտպանիչ հակամարմինները չճանաչեն դրանց կրկնակի վարակման դեպքում: Նոր կորոնավիրուսը ավելի դանդաղ է մուտացիայի ենթարկվում, քան գրիպի վիրուսը: Սա հետազոտողներին հույս է տալիս, որ բնական իմունիտետը կամ պատվաստանյութը ավելի երկարատև պաշտպանություն կապահովեն: Միևնույն ժամանակ, հետազոտողները կարծում են, որ եթե մարդը կրկին հիվանդանա, ապա երկրորդ վարակը կարող է ավելի մեղմ ընթանալ, քան առաջինը»,- ասվում է հոդվածում, որը հրապարակել է Inopressa պորտալը:


Պարբերականը մատնանշում է, որ չինացի հետազոտողների խումբը վարակել է 6 ռեզուս-մակակաների, որոնցից 4-ին ապաքինվելուց հետո կրկին վարակել է առաջին վարակից 28 օր հետո:


«Կենդանիներից ոչ մեկը նորից չի հիվանդացել, ինչը ցույց է տալիս, որ նրանց իմունային համակարգը պաշտպանել է երկրորդ անգամ վարակվելուց»,- նշվում է հոդվածում:


Միևնույն ժամանակ, մոտ 450 հարավկորեացիների կորոնավիրուսի ախտորոշման թեստը կրկին դրական արդյունք է ցույց տվել այն բանից հետո, երբ նրանց մոտ ապաքինման չափանիշներին համապատասխանություն է արձանագրվել:


«Կորեայի հիվանդությունների վերահսկման և կանխարգելման կենտրոնները ստուգել են այդ մարդկանց մեծ մասին և կենդանի վիրուսի շրջանառության որևէ ապացույց չեն հայտնաբերել: Ուսումնասիրությունները ցույց են տվել, որ վիրուսների որոշ հատվածներ կարող են շրջանառվել օրգանիզմում նույնիսկ հիվանդության ախտանշանների անհետանալուց հետո: Սա չի նշանակում, որ մարդը դեռ հիվանդ է կամ վարակիչ է»,- ընդգծում է պարբերականը:


Wall Street Journal-ը նշում է նաև, որ որոշ մարդիկ, որոնք արդեն ապաքինվել են COVID-19-ով հիվանդանալուց հետո և թեստի բացասական պատասխան են ստացել, հայտնում են, որ համի և հոտի կորուստը կորոնավիրուսի այլ ախտանշանների անհետացումից հետո կարող է պահպանվել ևս մի քանի ամիս:

Մեկնաբանություններ


Համընկնող լուրեր