Սրանք էս ինչ զուլում են մեր գլխին բերում․․․Այսօր՝ հայ-թուրքական սիրախաղի դարաշրջանում, իրավիճակ է փոխվել          Մենք որոշակի քայլեր արել ենք, բայց ՀՀ-ն իր վրա եղած ճնշումների պատճառով դեռ չի կարողանում մեր ուզած համարձակ քայլերն անել       Քաղաքացիությունից կզրկվեն այն մոլդովացիները, ովքեր կկռվեն ՌԴ-ի կողմից    

15 հուլ 2020 13:24

Բաքվում հակահայկական կարգախոսներից հետո ցույցը վերաճել է իշխանությունների դեմ բողոքի

Բաքվում հուլիսի 14-ի լույս 15-ի գիշերը Հայաստան-Ադրբեջան սահմանային լարված իրավիճակով պայմանավորված մասշտաբային ցույց է անցկացվել, որին տասնյակ հազարավոր ադրբեջանցիներ են մասնակցել: Այս մասին գրում է regionmonitor-ը։


Ցուցարարները գիշերը նաև ներխուժել են երկրի խորհրդարանի շենք, կողաշրջել են ոստիկանության մեքենա, բախվել ոստիկանների հետ: Հիմնական պահանջներն ու կոչերն են եղել «Ղարաբաղի ազատագրում, կարանտինի վերացումն ու պատերազմի սկսումը»:


Ոստիկանությունը կիրառելով ջրցան մեքենաներ, արցունքաբեր գազ և այլ միջոցներ հեռացրել է ցուցարարներին:


Բանակին աջակցություն հայտնելու նպատակով սկսված ցույցը, որի ընթացքում կիրառվել են հակահայկական կարգախոսներ, ոստիկանների գործողություններից հետո վերաճել է իշխանությունների դեմ բողոքի: Ցուցարարները նաև պահանջել են պաշտոնանկ անել Ադրբեջանի Զինված ուժերի գլխավոր շտաբի պետին:


Ցուցարարները հանդես են եկել հակահայկական կարգախոսներով, ինչպես նաև «ամոթ Ադրբեջանի ոստիկանությանը» և այլ նմանատիպ կոչերով: Առավոտյան կողմ ցույցն արդեն ցրվել է ամբողջությամբ, կան բազմաթիվ ձերբակալվածներ, սակայն դրանց մասին հստակ տեղեկություններ հայտնի չեն:

Մեկնաբանություններ


Համընկնող լուրեր