Տեսանյութ.Ինչպես հաղթահարել ներանձնային կոնֆլիկտը և դառնալ սեփական կյանքի տերը          Տեսանյութ.Հանձնել է այդ չորս գյուղերը և Սյունիքն էլ է հանձնելու. դուք խոսքի, խոստումների համար տալիս եք տարածքի մի մա՞սը       Ամբողջ աշխարհի աչքի առջև ՀՀ-ն վերածվում է ծայրահեղ վտանգավոր ծրագրերի իրականացման գործիքի.Թե ինչու է Երեւանը ձեւացնում, թե չի հասկանում, թե ինչի մասին է խոսքը, մեծ հարց է    

18 հուլ 2020 12:35

10-20 օր անդորրը չի նշանակում տևական հանգստություն. հակառակորդի տեղաշարժի վերաբերյալ անհրաժեշտ ինֆորմացիայի տիրապետում ենք

Արդյո՞ք ՊԲ հաղորդագրությունն Արցախում ադրբեջանական ԱԹՍ խոցելու մասին ազդակ է, որ կարող են ռազմական գործողությունները տեղափոխվել արցախա-ադրբեջանական տարածք. այս հարցին այսօր հերթական ճեպազրույցի ժամանակ անդրադարձել է ճգնաժամային տեղեկատվական կենտրոնի պատասխանատու Արծրուն Հովհաննիսյանը:


«Արցախում ԱԹՍ խոցելը չի կարելի համարել, որ տեղափոխվում են Արցախի սահման, որովհետև մինչ այս էլ խոցվում էին, բայց նշանակո՞ւմ է, որ չի տեղափոխվի, այդպես էլ չէ, ԱԹՍ-ն ցուցիչ չէ, բայց բացառություն էլ չէ: Իսկ երբ ասում ենք՝ Զանգակատան ուղղությամբ են կրակոցներ եղել, չի նշանակում Զանգակատան վրա, ես չունեմ տեղեկություն, որ Զանգակատան վրա են կրակոցներ եղել»,-ասել է նա:


Լրագրողները հետաքրքրվել են նաև, թե ի՞նչ տեսակի ԱԹՍ է խոցվել, նա արձագանքել է, որ դա եղել է, ամենայն հավանականությամբ, հետախուզական, ոչ թե մարտական:


Հովհաննիսյանը խոսել է նաև հակառակորդի տեղաշարժի վերաբերյալ անհրաժեշտ ինֆորմացիայի տիրապետելու մասին, նշել, որ  գործողություններն անհրաժեշտ ուղղությամբ ու ծավալով տեսնում են:


«Պահպանո՞ւմ է հակառակորդն այնպիսի ներուժ, որով կարողանա մեծ ծավալի գործողություններ իրականացնել, այո՛, պահպանում է էդ ներուժը։ Պարզ է, եթե կդիմեն ոտնձգությունների, կստանան արժանի հարված»,-ասել է նա:


Հովհաննիսյանն անդրադարձել է նաև առաջիկա Վարդավառի տոնին հակառակորդի հնարավոր ակտիվությանը․


«Ամեն ինչ հնարավոր է, ես կուզենայի հաշվի առնեիք, որ կան ուղիղ պրագմատիկ զինվորական պատճառներ, հանգամանքներ, և հաճախ դրանք գերակա են, որովհետև առաջնագիծն ունի իր դինամիկ կյանքը։ Մենք տարիներ ի վեր տեսել ենք, որ հակառակորդի մոտ 10-20 օր անդորրը չի նշանակում տևական հանգստություն, և դինամիկան կարող է շեշտակի փոխվել շատ արագ, րոպեների ընթացքում, այնպես որ ոչ մի բան չեմ բացառում»:


 

Մեկնաբանություններ


Համընկնող լուրեր