Գիտնականները կոտրել են տարածված միֆը, թե ուռուցքները քաղաքակրթության արտադրանք են
Գիտնականները կոտրել են օնկոլոգիական հիվանդությունների պատճառի մասին հայտնի միֆը: Նրանք Երկրի վրա օնկոլոգիայի գոյության վաղ ապացույցներ են գտել: Նրանք ստացել են հուսալի ապացույցներ այն մասին, որ դինոզավրները տառապել են օստեոսարկոմայով (ոսկրային հյուսվածքների չարորակ ուռուցք): Նոր հետազոտության արդյունքները հրապարակվել են Lancet Oncology գիտական ամսագրում:«Մենք առաջին անգամ միանշանակ ցույց ենք տվել, որ այդ եռաեղջյուր դինոզավրը, որն ապրել է Երկրի վրա ավելի քան 76 մլն տարի առաջ, տառապել է ծանր եւ շատ ագրեսիվ ոսկրային հյուսվածքի քաղցկեղով»,-ասել է հետազոտության հեղինակ, ՄքՄաստերի անվան Կանադայի համալսարանի պրոֆեսոր Մարկ Քրոութերը:
Նա ասել է, որ այդպիսով ցանկանում է կոտրել տարածված միֆը, որ ուռուցքները քաղաքակրթության արտադրանք են: Գիտնականներն ավելի ու ավելի մեծ թվով ապացույցներ են գտնում, որոնք վկայում են, որ հնագույն նեանդերթալցիների մոտ չարորակ նորագոյացություններ են եղել:
Մեկ տարի առաջ գիտնականները օստեոսարկոմայի հետքեր են գտել Երկրի առաջին կրիաների ոսկորներում: Քրոութերը նշում է, որ չկան ապացույցներ, որ կյանքի ժամանակակից պայմանները քաղցկեղ են առաջացնում, հաղորդում է MK.ru-ն:
