Տեսանյութ.Նավալնիի օրգանիզմում մահացու թույն է հայտնաբերվել, որը վտանգավոր է նաև շրջապատի մարդկանց համար, թույլ չեն տվել տեղափոխել Գերմանիա
Ալեքսեյ Նավալնիի մամուլի քարտուղար Կիրա Յարմիշը հայտնել է, որ բժիշկները նրա վիճակը համարել են տեղափոխման ոչ ենթակա:Ըստ «ՌԻԱ նովոստի»-ի, որոշումը կայացվել է Մոսկվայից ժամանած մասնագետների մասնակցությամբ անցկացված խորհրդակցության ժամանակ: Նրանք ասել են, որ Նավալնին շարունակում է մնալ կայուն ծանր վիճակում:
Մինչդեռ Յարմիշը Twitter-ում գրել է, որ Կոռուպցիայի դեմ պայքարի հիմնադրամի (ԿԴՊ) ղեկավարի վիճակն անկայուն է:
Նավալնին գտնվում է Օմսկի թիվ 1 շտապօգնության հիվանդանոցի վերակենդանացման բաժանմունքում:
ԿԴՊ-ում կարծում են, որ փորձել են թունավորել իրենց առաջնորդին: Հիվանդանոցից հայտնել են, որ թունավորումը վարկածներից մեկն է:
Ուսումնասիրությունների արդյունքների համաձայն, բժիշկները Նավալնու մոտ չեն հայտնաբերել ինսուլտի, սրտի կաթվածի կամ վարակի ախտահարումների, ներառյալ կորոնավիրուսի նշաններ:
***
ՌԴ Կոռուպցիայի դեմ պայքարի հիմնադրամի հիմնադիր Ալեքսեյ Նավալնիի կինը՝ Յուլյան, հայտնել է, որ տրանսպորտային ոստիկանությունը հայտնաբերել է այն նյութը, որով թունավորել են իր ամուսնուն։ Այս մասին ասվում է Օմսկում Նավալնիի շտաբի հաղորդագրության մեջ։
«Այն (նյութը) վտանգավոր է շրջապատի համար։ Նրա կողքին գտնվողներին հատուկ հագուստներ են անհրաժեշտ»,- հայտնել են շտաբում։
Նավալնիի օրգանիզմում հայտնաբերված նյութի անվանումը չի բացահայտվում, հայտնել է ընդդիմադիր գործչի մամուլի քարտուղար Կիրա Յարմիշը: Կոռուպցիայի դեմ պայքարի հիմնադրամի տնօրեն Իվան Ժդանովի հաղորդմամբ էլ՝ տրանսպորտային ոստիկանությունում հայտնել են, որ դա «քննության գաղտնիքն է»։
Յարմիշը նաև տեսանյութ է հրապարակել Իվան Ժդանովի և Յուլյա Նավալնիի հայտարարության մասին: Նավալնիի կինը պատմել է, որ չի վստահում Օմսկի թիվ 1 շտապօգնության հիվանդանոցին, որտեղ գտնվում է իր ամուսինը: Նրա կարծիքով՝ բժիշկները գործչին պահում են կլինիկայում և թույլ չեն տալիս տեղափոխել Եվրոպա, «որպեսզի այն քիմիական նյութը, որը գտնվում է Ալեքսեյի օրգանիզմում, անհետանա»:
Տեսանյութը դիտեք այստեղ
