«Կովիդ»-ով պայմանավորված գուցե գիտության ֆինանսավորման որոշակի նվազում լինի
Ազգային ժողովում ՀՀ կրթության, գիտության, մշակությի և սպորտի նախարար Արայիկ Հարությունյանը ներկայացնում է «Լուսավոր Հայաստան»-ի հարցապնդման պատասխանը, որով խմբակցությունը պահանջում է նախարարի հրաժարականը:«Լուսավոր Հայաստան» խմբակցության պատգամավոր Կարեն Սիմոնյանը նշեց, որ Կրթության, գիտության, մշակույսի և սպորտի նախարար Արայիկ Հարությունյանը իր ելույթում իրենց հարցապնդմանը անդրադարձ չկատարեց:
«Ավելի շատ տեխնիկական ուղղվածության վրա է շեշտը դրվում և չի քաջալերվում օրինակ՝ հումանիտար ուղղությունը և արդյունքում չի կարո՞ղ տուժել հայագիտությունը»,-հարցրեց նա:
Արայիկ Հարությունյանը չհամաձայնեց ասվածի հետ և նշեց, որ բալանսը պահվում է: «Բացի այդ, հայագիտությանը մենք ուշադրության ենք դարձնում Հայաստանի սահմաններից դուրս ևս, իհարկե, դուք սրա մասին չեք խոսում, բայց 2017 թվականին 4 հայագիտական կենտրոն էր ֆինանսավորում, իսկ 2020 թվականին դրանց թիվը հասել է 10-ի»,-ասաց նա:
Կարեն Սիմոնյանը հետաքրքվեց, թե ինչպիսի՞նն է գիտության ֆինանսավորման հետ կապված տեսլականը, համընկնո՞ւմ է այն նախկինում եղած տեսլականի հետ: «Գիտության ֆինանսավորումը պետք է ավելանա»,-ասաց նա և նշեց, որ նախորդ տարվա համեմատ ավելացել է և աշխատում են, որ տարեցտարի ավելանա: « «Կովիդ»-ով պայմանավորված գուցե ֆինանսավորման որոշակի նվազում լինի, բայց դա բացառապես «Կովիդ»-ով պայմանավորված տնտեսական վիճակով է պայմանավորված»,-ասաց նա:
