Ո՞ր մի թուրքացած հայի ձեռքն է գնացել Մեծամորում կոտրել Քրիստոսի արձանի գլուխը
Սեպտեմբերի 17-ին, անհայտ անձը կամ անձինք՝ եթե կարելի է անձ կամ անձինք համարել, սրբապղծություն և վանդալիզմ են իրականացրել Արմավիրի մարզում: Ինչպես Մեծամոր քաղաքից հայտնում է ֆոտոլրագրող Գագիկ Շամշյանը, տականքը կամ տականքները կոտրել են Հայաստանում տեղադրված միակ՝ Հիսուս Քրիստոսի արձանի գլուխը, որը տեղադրված է Մեծամոր քաղաքի Սուրբ Ղազար եկեղեցու տարածքում: Չգիտես՝ ո՞ր մի թուրքացած հայի ձեռքն է գնացել նման սրբապղծության ու հիմա ոստիկանությունը պետք է օպերատիվորեն բացահայտի տեղի ունեցած վանդալիզմը և կատարողին կամ կատարողներին ենթարկեն քրեական պատասխանատվության, իսկ դատարանն էլ խստագույն պատժի արժանացնի: Հիսուս Քրիստոսի արձանի նախկին տեսքը։
