ՈՒՂԻՂ. Կորոնավիրուսի անմեղ զոհերի հիշատակին նվիրված արարողություն՝ Երեւանում
«Այլընտրանք» ՀԿ այսօր՝ սեպտեմբերի 22-ին, մետրոյի «Հանրապետության հրապարակ» կայարանի հարևանությամբ կազմակերպել է կորոնավիրուսի անմեղ զոհերի հիշատակին նվիրված արարողություն, որը, ըստ կազմակերպիչների կրելու է շարունակական բնույթ:Կազմակերպիչներից Նարեկ Մանթաշյանը լրագրողների հետ զրույցում նշեց, որ կորոնավիրուսից 1200-ից ավելի անձանց մահը կառավարության ապաշնորհ կառավարության տապալված պայքարի հետեւանք են. «Այստեղ մենք պատկերավոր նշել ենք դեպքերի զարգացումը, թե ինչպես եղավ, որ մարտի 1-ին վարչապետ Փաշինյանը առաջին գույժը բերչեց, որ ունենք առաջին վարակվածը: Բայց դրանից հետո սեփական քաղաքական շահով պայմանացվորված նա հանդիպումներ ունեցավ 25-30 հազար քաղաքացիների հետ՝ «այո»-ի քարոզարշավի շրջանակներում:
Հաջորդիվ ներկայացված են այն չվերթները եւ ցամաքային սահմանով մեր երկիրը հատած քաղաքացիների թիվը, որոնք որեւէ հսկողության չեն ենթարկվել:
Այսուհետ մարտի 1-ը պետք է նշվի որպես կորոնավիրուսից մահացած մեր քաղաքացիների հիշատակի օր»,-ասաց նա:
Մանթաշյանը վստահություն հայտնեց, որ համավարակի կանխմանն ուղղված համարժեք քայլեր չանելու պատճառները բազմազան էին իշխանության համար. «Կորոնավիրուսը փրկօղակ էր Նիկոլ Փաշինյանի համար եւ նա կարողանում էր ըստ իր նպատակահարմարության օգտագործել վարակը: Մի դեպքում չեղարկելու հանրաքվեն, մի դեպքում հանրաքվեն անելու: Տեսնելով, որ հնարավորութւոն չունի «այո»-ն փաթեթել ժողովրդի վզին, իր անկում ապրած վարկանիշը թաքցնելու համար կորոնավարակին զարկ տվեցին»,-ասաց նա:
