Արցախում ոչնչացվել է «Ֆիրքաթ Ալ Համզա» ահաբեկչական խմբավորման հրամանատարներից մեկը
Արցախում՝ մարտական գործողությունների գոտում ոչնչացվել է «Ֆիրքաթ Ալ Համզա» ահաբեկչական խմբավորման հրամանատարներից Ադել ալ Շահիրը։ Տեղեկությունը նշված է Twitter-ի` խմբավորման հետ կապված էջերից մեկում։Ըստ տեղեկության՝ թուրքամետ խմբավորման առաջնորդներից մեկը երկար ժամանակ ծառայել է «Համզա» դիվիզիայում։ Արցախյան հակամարտության գոտում վերջերս է հայտնվել, որտեղ ոչնչացվել է հայկական ուժերի հրետանային հարվածի արդյունքում։
Ինչպես հայտնի է, Թուրքիան վարձկաններին Սիրիայից տեղափոխում է մարտական գործողությունների գոտի, ինչի մասին ավելի վաղ խոսել էին Սիրիայի նախագահ Բաշար Ասադը, Ռուսաստանի արտաքին հետախուզության ծառայության ղեկավար Սերգեյ Նարիշկինը և այլ պաշտոնատար անձինք։
