Ներողություն, որ այսպիսի բաներ եմ գրելու, բայց այլ տարբերակ չկա...
ՀՀ պաշտպանության նախարարության ներկայացուցիչ Արծրուն Հովհաննիսյանը ֆեյսբուքյան գրառմամբ անդրադարձել է «Հրապարակ» թերթի այսօրվա համարում տպագրված հրապարակմանը։ «Ես գիտեմ, որ հիմա պատերազմի ժամանակին բնորոշ գրառում չեմ անում, բայց ստիպված եմ: Ներողություն որ այսպիսի բաներ եմ գրելու բայց այլ տարբերակ չկա: Մի քանի թուրքի ատելություն ավել պակաս բան չի որոշում:
Սա «Հրապարակ»-ի նյութն է իմ մասին:
«Մեկ ամիս շարունակ հայկական բանակի հաղթանակների ու հաջողությունների մասին ազդարարող, հիմնականում իրականությունից տրամագծորեն տարբերվող ինֆորմացիա հանրությանը մատուցող Արծրուն Հովհաննիսյանի...»։
Ուրեմն Ապրիլյան պատերազմի ժամանակ նույն այս թերթը իր աղբյուրների համաձայն իբր ադրբեջանական դիվերսիոն խմբի մասին մի լուր հաղորդեց որի պատճառով մեր զորքերի պլանավորած օպերացիաներից մեկը տապալվեց:
Մնացածը դատեք ինքներդ»,- գրել է Ա. Հովհաննիսյանը։
