Տեսանյութ.«Խոյ» համայնքի ղեկավարի թեկնածու Գուրգեն Գրիգորյանը մրցակիցներին հրավիրում է բանավեճի          Տեսանյութ.Կտրուկ գործողություններ եք ուզում, եկե՛ք իրագործենք. Ժիրայր Սեֆիլյան       Տեսանյութ.Սյունիքը զավթելու սպառնալիք կա, եռյակ թշնամին չի նահանջում    

07 նոյ 2020 14:20

Տեսանյութ.Ամեն խփած սնարյադի փոսի մեջ ծառ ենք տնկում. Հայ զինվորներն՝ ընդդեմ Ադրբեջանի էկոցիդի

Ադրբեջանը սպիտակ ֆոսֆոր պարունակող արգելված զենք է կիրառում. Շրջակա միջավայրի նախարարությունը և 50 հասարակական կազմակերպություն դիմել են միջազգային կառույցների:

Այս առնչությամբ կառավարությունը տեսանյութ է տարածել, որտեղ երեւում է, թե ինչպես է թշնամին սպիտակ ֆոսֆոր պարունակող զենքով հարվածում Արցախի տարածքին եւ հրդեհում անտառները:

Հակառակորդի կիրառում է քիմիական տարր, ամենայն հավանականությամբ սպիտակ ֆոսֆոր պարունակող զինատեսակ:

ՌՔԿՊ զորքերի քիմիական անվտանգության ապահովման բաժանմունքի պետ Ռաֆայել Փանջոյանը նշում է. «Սպիտակ ֆոսֆորը ինքնաբռնկումից հետո կարող  է առաջացնել մոտ 1300 աստիճան, իսկ այրման ժամանակ տեղի է ունենում խիտ ծխարտադրություն եւ խեղդող ազդեցություն է ունենում»:

Ռազմական գործողությունները տեղում լայն ուսումնասիրությունների հնարավորություն չի տալիս, բայց հապաղել էլ չի կարելի: Այս առնչությամբ Հայաստանի եւ Արցախի ՄԻ պաշտպանները համատեղ զեկույց են պատրաստել:

Շրջակա միջավայրի փոխնախարար Իրինա Ղաբփլանյանի խոսքով, 1800 հեկտար անտառային տրածքներ արդեն այրվել են. «Մենք արդեն ունենք շրջակա միջավայրին հասցված ահռելի վնաս: Միջազգային քրեական դատարանի Հռոմի կանոնադրության 8ճ-րդ հոդվածով հստակ արձանագրվում է, որ սա կարող է դիտարկվել որպես պատերազմական հանցագործություն»:

Շրջակա միջավայրի նախարարությունը և 50 հասարակական կազմակերպություն դիմել են միջազգային կառույցների, որտեղ տեղին ունեցածը որակել են որպես էկոցիդ:

Նշվում է, որ սպիտակ ֆոսֆորը կարող է տարածաշրջանային էկոլոգիական աղետի հանգեցնել. Այն կուտակող հատկություն ունի, մնում է հողում, անցնցում ստորգետնյա ջրեր, լցվում գետեր եւ հայտնվում կենդանի օրգանիզմներում: Ստացվում է, որ Արցախն ադրբեջանցիներին պետք է ոչ միայն առանց արցախցիների, այլ նաեւ առանց բնության:

«Ամեն խփած սնարյադի փոսի մեջ ծառ ենք տնկում, ավանդույթ է»,-ասում է զինվորներից մեկը:


Մեկնաբանություններ

Համընկնող լուրեր