Պեսկովը չի մեկնաբանել Նախիջեւանի եւ Ադրբեջանի միջեւ միջանցք ստեղծելու գաղափարի մասին Ալիեւի խոսքերը          ԱԺ «Իմ քայլ»-ը խմբակցության պատգամավոր Գոռ Գևորգյանը դուրս է գալիս խմբակցությունից       Ռուս խաղաղապահներն ապահովում են Լաչինի միջանցքով տրանսպորտի երթեւեկության անվտանգությունը    

21 նոյ 2020 12:50

Տեսանյութ.Փափուկ բարձ դրեցին մեր գլխի տակ, ասելով՝ ռադարների տակ են, կապ չկա, հասկացանք՝ իրենք ուղղակի գնացել են, ընկել մսաղացի մեջ

Նրանք նշել են, որ այդ մարտական գործողություններից հետ վերադարձած զորամասի հրամանատարը անհետ կորածների ընտանիքների անդամներին մինչ այս տվել է կցկտուր, հակասական եւ ոչ բավարար պատասխաններ, ինչը նոր հարցեր է առաջ բերել։

«Մենք ուզում ենք, որ պետական այրերը մեզ ասեն՝ ուր են մեր երեխեքը: Մենք ուզում ենք մեր հարցերի պատասխանը լսել, մենք մեր երեխեքին ենք կարոտել: Ամսից ավելի է՝ ոչ մի լուր չունենք, հարկ չեն համարում գոնե մի անգամ դուռը բացեն, ասեն՝ երեխեդ կա, թե չկա: Ոչ մի պատասխան չեն տալիս, չէ որ իրենց աշխատողն ա, իրենք են տարել»,- ասաց ծնողներից մեկը:

Հարազատների խոսքով՝ զորամասի զինծառայողներից 34-ն անհետ կորած են համարվում:

«Այստեղ փափուկ բարձ դրեցին մեր գլխի տակ, ասեցին՝ ռադարների տակ են, կապ չկա: Մի քանի օր հետո հասկացանք, որ ոչ մի բան էլ չկա, իրենք ուղղակի գնացել են, ընկել են մսաղացի մեջ: Ամեն օր մեզ ասում են՝ սպասենք երկու օր, ոչ մի պատասխան չունեն»,- ասաց հարազատներից մեկը:

Մեկն էլ ասաց, որ նոյեմբերի 11-ին, դեպքից 21 օր հետո իր ամուսնու հեռախոսը եղել է ակտիվ: «Իրենք գնացել են ընդամենը մեկ ավտոմատով, 120 պատրոնով, այն զրահատեխնիկայի դեմ, որը բերել են ադրբեջանցիները»:
Հավաքվածները պահանջում էին բացել դուռը եւ իրենց պատասխան տալ, սակայն որեւէ մեկը չէր արձագանքում: Ի վերջո, հավաքվածներից մեկը հարվածելով բացեց պատուհանը, ներս մտավ:


Մեկնաբանություններ

Համընկնող լուրեր