Տեսանյութ, թե ինչպես են Ստամբուլում դանակահարել ռուսաստանցիներին          Ալիևն ու Էրդողանը հավանություն են տվել թուրքի՝ Շուշիում դպրոց կառուցելու առաջարկին       Իմ տեղեկություններով, գաղտնի բանակցությունների արդյունքում որոշել են Ադրբեջանին հանձնել Հայաստանի բոլոր կղզյակները    

24 նոյ 2020 14:02

Համահայկական հիմնադրամը պատերազմի ընթացքում հավաքված գումարից 52.7 մլրդ դրամ նվիրաբերել է Կառավարությանը

Ֆինանսների նախարարության կայքում տեղադրված է պարզաբանում՝ վերը նշված նվիրատվության իրավաչափության վերաբերյալ: Մասնավորապես, հայտարարությունում ասվում է, որ նվիրաբերության գումարի օգտագործման պայմանն ամբողջությամբ համապատասխանում է հիմնադրամի կանոնադրությամբ ամրագրված վերջինիս գործունեության նպատակներին և խնդիրներին, և խնդրո առարկա գործարքներն արժանացել են Հիմնադրամի հոգաբարձուների խորհրդի հավանությանը: Հոգաբարձուների խորհուրդը կարծում է, որ դրանց ոչ իրավաչափ լինելու վերաբերյալ գնահատականներն անհիմն են։


««Հայաստան» համահայկական հիմնադրամի և Հայաստանի Հանրապետության միջև կնքված նվիրաբերության պայմանագրերի հիման վրա հիմնադրամը «Ֆիզիկական և իրավաբանական անձանց նվիրատվություններից պետության, ռազմական դրություն հայտարարելու հանգամանքներով պայմանավորված ենթակառուցվածքների, սոցիալական և առողջապահական ծախսերի ֆինանսավորման համար ստացված մուտքեր՝ տրամադրված ներքին աղբյուրներից» թիվ 900005002135 գանձապետական հաշվեհամարին, որպես նվիրաբերություն, փոխանցել է 52,703,113.3952 հազ. ՀՀ դրամ գումար պետության, ռազմական դրություն հայտարարելու հանգամանքներով պայմանավորված ենթակառուցվածքների, սոցիալական և առողջապահական ծախսերի ֆինանսավորման նպատակով օգտագործելու պայմանով»,- ասվում է հայտարարության մեջ:


Նվիրաբերության գումարն օգտագործվել և բյուջետային գործընթացի շրջանակում օգտագործվելու է պետական բյուջեով նախատեսված պետության, ռազմական դրություն հայտարարելու հանգամանքներով պայմանավորված ենթակառուցվածքների, սոցիալական և առողջապահական ծախսերի ֆինանսավորման նպատակով: Ընդ որում, նվիրաբերության գումարի հաշվին վկայակոչված ծախսերի ֆինանսավորումը հնարավորություն է ընձեռել ՀՀ կառավարությանը ՀՀ 2020 թվականի պետական բյուջեով այդ ծախսերի ֆինանսավորման համար նախատեսված միջոցները ՀՀ օրենսդրությամբ սահմանված կարգով ուղղել ռազմական դրությամբ պայմանավորված, նոր ի հայտ եկած ծախսերի ֆինանսավորմանը, որոնք 19.11.2020 թ. դրությամբ կազմում են շուրջ 100,978,491.5 հազ. ՀՀ դրամ:


«Ռազմական դրությամբ պայմանավորված՝ նոր ի հայտ եկած ծախսերի ֆինանսավորման նպատակով միջոցները հատկացվել են ՀՀ կառավարության համապատասխան որոշումներով, դրանց օգտագործման վերաբերյալ հաշվետվությունները օրենսդրությամբ սահմանված կարգով կհրապարակվեն բյուջեների կատարման հաշվետվությունների շրջանակում»,- նշվում է հաղորդագրությունում:


Հիշեցնենք, որ նոյեմբերի 18-ին ԱԺ-Կառավարություն հարցուպատասխանի ժամանակ փոխվարչապետ Մհեր Գրիգորյանը հայտարարել էր, որ պատերազմի ընթացքում «Հայաստան» համահայկական հիմնադրամին նվիրաբերված գումարի մի մասը նվիրաբերվել է ՀՀ կառավարությանը:


Սեպտեմբերի 27-ից մեկնարկած «Մենք ենք, մեր սահմանները» խորագրով դրամահավաքի ընթացքում հավաքվել է 170 մլն 621 հազար դոլար:

Մեկնաբանություններ

Համընկնող լուրեր