Ինչի՞ց ես վախենում , Փաշինյան, վախենում ես, որ Ալիևը քեշ փողերի մասին կհրապարակի՞... Զանգեզուրը, Սեւանն ու Երեւանը ադրբեջանական հողեր են, ինչի չես անդրադառնում դրանց
Նիկոլ Փաշինյան, ինչու գերիների, անհայտ կորածների, զոհվածների թվաքանակը չես հրապարակում. Սուտ է, որ չես տիրապետում, իսկ եթե չես տիրապետում, ուրեմն այստեղ եւս քեզ մոտ քաոս է, ուղղակի բարդակ: Այս մասին այսօր՝ դեկտեմբերի 11-ին, լրագրողների հետ հանդիպմանն ասաց ոստիկանության գնդապետ Սայաթ Շիրինյանը:Անդրադառնալով Ադրբեջանի նախագահ Ալեւի հայտարարություններին, որ Զանգեզուրը, Սեւանն ու Երեւանը ադրբեջանական հողեր են, Շիրինյանն ասաց. «Նիկոլ Փաշինյան, ինչի՞ երբեւիցե չես անդրադառնում դրան: Միգուցե Ալիեւը այնքան բան գիտի, միգուցե նաեւ քեշ փողերի մասին գիտի, վախենում ես, որ դրա մասին կհրապարակի՞: Միայն այն փաստը, որ պտերազմի 3-4-րդ օրը ինքը զորակոչը դադարեցրեց, որ զենք-զինամթերիք գնման պլաններ փոխել եւ իր շոուի համար «ՍՈՒ»-եր էր էր գնում, որոնք բացարձակ պիտանի չէին: Ես համաձայն չեմ այն մտքի հետ, որ մեր ժողովուրդը կարող է համակերպվել ու հանդուրժել դավաճանին: Միգուցե դեռեւս ինչ-որ ժեխ մակարդակ կա, որն ասում է՝ Հայաստանն էլ տա, մուսուլման էլ մեզ դարձնի, մենք Նիկոլ Փաշինյանի կողքին ենք լինելու: Ժողովուրդը փողոցից եկածին փողոց է շպրտելու: Մենք մեր դիմաց ունենք Նիկոլ Փաշինյանի նման տխրահռչակ, արնախում մեկը, որը պատրաստ է գնալ բախումների»,-ասաց նա` վստահություն հայտնելով, որ հանրություն, ի վերջո, դուրս կգա եւ կքշի Փաշինյանին:
«Մեր հասարակության միայն մի փոքրիկ հատվածը չի գիտակցում, թե ինչ է տեղի ունենում Հայաստանում, մնացածը գիտակցում են, ուզում են կոնկրետ գործողություններ եւ այդ գործողությունները լինելու են: Մենք Սյունիք ենք կորցնում, Հայաստան ենք կորցնում: Անիշխանություն է Հայաստանում»,-ասաց նա:
