Ադրբեջանցիները ՅՈՒՆԵՍԿՕ-ի փորձագետներին թույլ չեն տալիս մտնել Արցախի եկեղեցիներ
Լեռնային Ղարաբաղի ադրբեջանական կողմի վերահսկողության տակ անցած տարածքների եկեղեցիները և պատմական հուշարձանները սպառնալիքի ներքո են գտնվում։ «Известия»-ի հետ զրույցում նման մտահոգություն է հայտնել Ամենայն հայոց կաթողիկոս Գարեգին Բ-ն։ Նրա խոսքով Բաքուն հրաժարվում է թույլ տալ ՅՈՒՆԵՍԿՕ-ի փորձագետներին, որպեսզի վերջիններս անձամբ կարողանան գնալ եկեղեցիներ և գնահատել պատմական ժառանգության շուրջ ստեղծված իրավիճակը։
Կաթողիկոսը նաև նշել է, որ ռուս խաղաղապահներն անում են հնարավոր ամեն ինչ՝ պահպանելու պատմական հուշարձանները և մշակութային կոթողները։
Հայ Առաքելական եկեղեցում ստեղծվել է հատուկ բաժին, որի խնդիրն է վերահսկել միջազգային նշանակության հուշարձանների պահպանությունը։
